Premattin naattugaariyaanu nyaaan

പ്രേമത്തിൻ നാട്ടുകാരിയാണു ഞാൻ
പേരില്ലാ രാജകുമാരിയാണു ഞാൻ
(പ്രേമത്തിൻ..‍)
കിനാവിന്റെ വീട്ടുകാരി
നിലാവിന്റെ കൂട്ടുകാരി
കിരീടമില്ലാ രാജകുമാരിയാണു ഞാൻ
(പ്രേമത്തിൻ....)

സംഗീതം പാടിയെന്റെ
സാമ്രാജ്യം നേടി ഞാൻ
തങ്കത്തിൻ ചിലങ്ക കെട്ടി
ചെങ്കോലു ചൂടി ഞാൻ(പ്രേമത്തിൻ...)

കൈവിരലാൽ മുദ്രകൾ കാട്ടി
കഥ പറയും റാണി ഞാൻ
കണ്മുനയാൽ കവിതകള്‍ എഴുതും
കലാകാരിയാണു ഞാൻ (പ്രേമത്തിൻ..)