(॥పల్లవి॥)
పురుషుల నీ గతి బోధించి బోధించి
సురతసమాధియందుఁ జొక్కించే రదివో
(॥పురు॥)
కొంకక సతుల నేటి గురువు లందరికి
కంకిగా మర్మాలు సోఁకఁగ హర్షించి
లంకెలను బంచాంగుళహస్త మస్తకమున
వుంకువఁ దమ యంగము వుపదేశించేరు
(॥పురు॥)
మదనమంత్రములెల్ల మరి చెవిలోనఁ జెప్పి
మొదల నఖాంకురపుముద్రలు వెట్టి
పది మారులుఁ దమ్ములప్రసాదములు వెట్టి
వుదుట సంసారబ్రహ్మ ముపదేశించేరు
(॥పురు॥)
బడలించి అనంగపర వస్తువును జూపి
కడపట విరక్తిఁ గడు బోధించి
తడవి శ్రీవేంకటేశు దాసులఁ దప్పించి
వుడివోని జీవులకు నుపదేశించేరు
(||pallavi||)
puruṣhula nī gadi bodhiṁchi bodhiṁchi
suradasamādhiyaṁdum̐ jŏkkiṁche radivo
(||puru||)
kŏṁkaga sadula neḍi guruvu laṁdarigi
kaṁkigā marmālu som̐kam̐ga harṣhiṁchi
laṁkĕlanu baṁchāṁguḽahasta mastagamuna
vuṁkuvam̐ dama yaṁgamu vubadeśhiṁcheru
(||puru||)
madanamaṁtramulĕlla mari sĕvilonam̐ jĕppi
mŏdala nakhāṁkurabumudralu vĕṭṭi
padi mārulum̐ dammulaprasādamulu vĕṭṭi
vuduḍa saṁsārabrahma mubadeśhiṁcheru
(||puru||)
baḍaliṁchi anaṁgabara vastuvunu jūbi
kaḍabaḍa viraktim̐ gaḍu bodhiṁchi
taḍavi śhrīveṁkaḍeśhu dāsulam̐ dappiṁchi
vuḍivoni jīvulagu nubadeśhiṁcheru