(॥పల్లవి॥)
పురుషోత్తముఁడ నీవు పురుషాధముఁడ నేను
ధరలో నాయందు మంచితన మేది
(॥పురు॥)
అనంతాపరాధములు అటు నేము సేసేవి
అనంతమయిన దయ అది నీది
నిను నెఱఁగకుండేటి నీచుగుణము నాది
నను నెడయకుండే గుణము నీది
(॥పురు॥)
సకలయాచకమే సరుస నాకుఁ బని
సకలరక్షకత్వము సరి నీపని
ప్రకటించి నిన్ను దూరేపలుకే నాకెప్పుడూను
వెకలివై ననుఁ గాచేవిధము నీది
(॥పురు॥)
నేరమింతయును నాది నేరుపింతయును నీది
సారెకు నజ్ఞాని నేను జ్ఞానివి నీవు
యీరీతి శ్రీవేంకటేశ యిట్టే నన్ను నేలితివి
ధారుణిలో నిండెను ప్రతాపము నీది
(||pallavi||)
puruṣhottamum̐ḍa nīvu puruṣhādhamum̐ḍa nenu
dharalo nāyaṁdu maṁchidana medi
(||puru||)
anaṁtābarādhamulu aḍu nemu sesevi
anaṁtamayina daya adi nīdi
ninu nĕṟam̐gaguṁḍeḍi nīsuguṇamu nādi
nanu nĕḍayaguṁḍe guṇamu nīdi
(||puru||)
sagalayāsagame sarusa nāgum̐ bani
sagalarakṣhagatvamu sari nībani
pragaḍiṁchi ninnu dūrebaluge nāgĕppuḍūnu
vĕgalivai nanum̐ gāsevidhamu nīdi
(||puru||)
neramiṁtayunu nādi nerubiṁtayunu nīdi
sārĕgu najñāni nenu jñānivi nīvu
yīrīdi śhrīveṁkaḍeśha yiṭṭe nannu nelidivi
dhāruṇilo niṁḍĕnu pradābamu nīdi