పుణ్యమున నన్నుఁగాచి పురుషార్థివౌదుఁ గాక
(॥పల్లవి॥)
పుణ్యమున నన్నుఁగాచి పురుషార్థివౌదుఁ గాక
గణ్యమా నే నీకు నా కత యెంతవున్నది
(॥పుణ్య॥)
వెలయ నిన్నుఁబొగడే వేదము లనంతములు
యెలమి నిన్నుఁ బొగడ నెంతవాఁడను
యిల నిన్నుఁ బూజించేరు ఋషులు కోటానఁగోటి
అలరి నిన్నుఁ బూజించేయంతవాఁడనా
(॥పుణ్య॥)
శరణు నీకుఁ జొచ్చిన జంతువు లనంతములు
వరుస నే నందులో నెవ్వరిఁ బోలుదు
సొరిది నిన్నుఁ గొలిచే సురలు సేనా సేన
పరగ నేఁ గొలిచేటి పని నీకు నెంత
(॥పుణ్య॥)
కాల మెంతైనాఁ గద్దు కర్మములు వేవేలు
ఆలించ నందులో నే నణుమాత్రము
తాలిమి శ్రీవేంకటేశ దయాధర్మము నీది
పాలించవే నీవు నన్నుఁ బలుకు లేమిటికి
(||pallavi||)
puṇyamuna nannum̐gāsi puruṣhārdhivaudum̐ gāga
gaṇyamā ne nīgu nā kada yĕṁtavunnadi
(||puṇya||)
vĕlaya ninnum̐bŏgaḍe vedamu lanaṁtamulu
yĕlami ninnum̐ bŏgaḍa nĕṁtavām̐ḍanu
yila ninnum̐ būjiṁcheru ṛṣhulu koḍānam̐goḍi
alari ninnum̐ būjiṁcheyaṁtavām̐ḍanā
(||puṇya||)
śharaṇu nīgum̐ jŏchchina jaṁtuvu lanaṁtamulu
varusa ne naṁdulo nĕvvarim̐ boludu
sŏridi ninnum̐ gŏlise suralu senā sena
paraga nem̐ gŏliseḍi pani nīgu nĕṁta
(||puṇya||)
kāla mĕṁtainām̐ gaddu karmamulu vevelu
āliṁcha naṁdulo ne naṇumātramu
tālimi śhrīveṁkaḍeśha dayādharmamu nīdi
pāliṁchave nīvu nannum̐ balugu lemiḍigi