(॥పల్లవి॥)
పుండు జీవుల కెల్లఁ బుట్టక మానదు
పుండు మాన మందు వోయఁ గదయ్య
(॥పుండు॥)
నెత్తురు నెమ్ములు నిండినపుంటికి
తిత్తిలో సోదించనేరా
నిత్తెమూ వేనీళ్లఁ గడిగినాను
మత్తిలి వుబ్బు మానదేలయ్యా
(॥పుండు॥)
చల్లఁగూడు వెట్టి చల్లఁగా పొత్తు
లెల్లఁ బెట్టి బిగియించఁగాను
కల్లగాదు చీము గారు తొమ్మిదిగండ్ల
పిల్లలాఁ జాలఁ బెట్టెఁగదయ్యా
(॥పుండు॥)
ఆదినుండి పాకమైనది యెవ్వ-
రేదిరో మొక మేరుపడదు
ఆదరించి వేంకటాధిప నీవింక
సోదించి మానఁజూడఁగదయ్యా
(||pallavi||)
puṁḍu jīvula kĕllam̐ buṭṭaga mānadu
puṁḍu māna maṁdu voyam̐ gadayya
(||puṁḍu||)
nĕtturu nĕmmulu niṁḍinabuṁṭigi
tittilo sodiṁchanerā
nittĕmū venīḽlam̐ gaḍiginānu
mattili vubbu mānadelayyā
(||puṁḍu||)
sallam̐gūḍu vĕṭṭi sallam̐gā pŏttu
lĕllam̐ bĕṭṭi bigiyiṁcham̐gānu
kallagādu sīmu gāru tŏmmidigaṁḍla
pillalām̐ jālam̐ bĕṭṭĕm̐gadayyā
(||puṁḍu||)
ādinuṁḍi pāgamainadi yĕvva-
rediro mŏga merubaḍadu
ādariṁchi veṁkaḍādhiba nīviṁka
sodiṁchi mānam̐jūḍam̐gadayyā