పుడమిలోన మగలు గలుగు పొలఁతులకును దిరుగఁబాసె
(॥పల్లవి॥)
పుడమిలోన మగలు గలుగు పొలఁతులకును దిరుగఁబాసె
అడవివారి నుండనియ్యఁడమ్మ నీ కొమారుఁడు
(॥పడమి॥)
భారమైన కుచభరంబుపై చెరంగు జారనొకతె
జారుఁజూపులాఁడి మంచిసాళగంపుటెలుఁగున
కోరో చల్లయనుచు మెరుఁగుగుచములదర మెట్టినడవ
గోరుదీసి పారితెంచె కొమ్మ నీ కుమారుఁడు
(॥పడమి॥)
నెరులు దొంగలించినట్టి నీలవేణి యొకతె పెద్ద
తురుము దురిమి చల్లకడవతో విలాసమమరఁగా
చెరఁగుదూల వాఁడిగోళ్ళ చేయివీచి పిలిచి గోప-
తరుఁణిఁ గొంగువట్టి తీసె తల్లి నీ కుమారుఁడు
(॥పడమి॥)
కంచుమట్టియల రవంబు గజబజింపఁ బదము దా-
టించి గబ్బినడపు నడచు మించుగుబ్బలాఁడిని
ఇంచుకంతవాఁడు వేంకటేశుఁడంటఁబట్టి కౌఁగిఁ
లించి మోవి గంటిసేసె నిపుడు నీకుమారుఁడు
(||pallavi||)
puḍamilona magalu galugu pŏlam̐tulagunu dirugam̐bāsĕ
aḍavivāri nuṁḍaniyyam̐ḍamma nī kŏmārum̐ḍu
(||paḍami||)
bhāramaina kusabharaṁbubai sĕraṁgu jāranŏgadĕ
jārum̐jūbulām̐ḍi maṁchisāḽagaṁpuḍĕlum̐guna
koro sallayanusu mĕrum̐gugusamuladara mĕṭṭinaḍava
gorudīsi pāridĕṁchĕ kŏmma nī kumārum̐ḍu
(||paḍami||)
nĕrulu dŏṁgaliṁchinaṭṭi nīlaveṇi yŏgadĕ pĕdda
turumu durimi sallagaḍavado vilāsamamaram̐gā
sĕram̐gudūla vām̐ḍigoḽḽa seyivīsi pilisi goba-
tarum̐ṇim̐ gŏṁguvaṭṭi tīsĕ talli nī kumārum̐ḍu
(||paḍami||)
kaṁchumaṭṭiyala ravaṁbu gajabajiṁpam̐ badamu dā-
ṭiṁchi gabbinaḍabu naḍasu miṁchugubbalām̐ḍini
iṁchugaṁtavām̐ḍu veṁkaḍeśhum̐ḍaṁṭam̐baṭṭi kaum̐gim̐
liṁchi movi gaṁṭisesĕ nibuḍu nīgumārum̐ḍu