humming
(ye nīr kahāṇ se barse hai
ye badrī kahāṇ se āī hai) -2
ye badrī kahāṇ se āī hai
gahre gahre nāle gahrā gahrā pānī re
gahre gahre nāle, gahrā pānī re
gahre man kī chāh anjānī re
jag kī bhūl-bhulaiyāṇ meṅ -2
kūṇj koī baurāī hai
ye badrī kahāṇ se āī hai
chīṛoṅ ke saṅg āheṅ bhar līṅ
chīṛoṅ ke saṅg āheṅ bhar līṅ
āg chanār kī māṇg meṅ dhar lī
bujh nā pāye re, bujh nā pāye re
bujh nā pāye re rākh meṅ bhī jo
aisī agan lagāī hai
ye nīr kahāṇ se barse hai …
paṅchhī pagle kahāṇ ghar terā re
paṅchhī pagle kahāṇ ghar terā re
bhūl na jaiyo apnā baserā re
koyal bhūl gaī jo ghar -2
vo lauṭke phir kab āī hai -2
ye nīr kahāṇ se barse hai
ye badrī kahāṇ se āī hai
