(॥పల్లవి॥)
పోయఁబోయఁ గాలమెల్ల పూఁట వూఁటకు
రోయని రోఁతలు చూచి రుచి చూరఁబోయ
(॥పోయఁ॥)
తాడిమానెక్కేటివాని తడయక పట్టిపట్టి
తోడఁదోడ నెందాఁకాఁ దోయవచ్చును
కాడువడ్డ చిత్తమిది కలకాలము నిట్టే
ఆడికెలకులోనై తనియక పోయ
(॥పోయఁ॥)
మన్నుదినియేటిదూడ మానుమంటా మొత్తిమొత్తి
కన్నిగట్టి యెందాఁకఁ గాయవచ్చును
సన్నపుటాసలమీఁదిచరిఁబడ్డదేహమిది
కన్నపుఁగత్తులచూపు కట్టరాకపోయ
(॥పోయఁ॥)
హేయము దొక్కకుమన్న యేచి తినేననేవాఁడు
చాయకు రాకున్న నేమిసేయవచ్చును
మాయలవేంకటపతి మచ్చుచల్ల నాయాత్మ
పాయక యాతనిఁజేరి భయమెల్లఁ బోయ
(||pallavi||)
poyam̐boyam̐ gālamĕlla pūm̐ṭa vūm̐ṭagu
royani rom̐talu sūsi rusi sūram̐boya
(||poyam̐||)
tāḍimānĕkkeḍivāni taḍayaga paṭṭibaṭṭi
toḍam̐doḍa nĕṁdām̐kām̐ doyavachchunu
kāḍuvaḍḍa sittamidi kalagālamu niṭṭe
āḍigĕlagulonai taniyaga poya
(||poyam̐||)
mannudiniyeḍidūḍa mānumaṁṭā mŏttimŏtti
kannigaṭṭi yĕṁdām̐kam̐ gāyavachchunu
sannabuḍāsalamīm̐disarim̐baḍḍadehamidi
kannabum̐gattulasūbu kaṭṭarāgaboya
(||poyam̐||)
heyamu dŏkkagumanna yesi tinenanevām̐ḍu
sāyagu rāgunna nemiseyavachchunu
māyalaveṁkaḍabadi machchusalla nāyātma
pāyaga yādanim̐jeri bhayamĕllam̐ boya