పోయఁబోయఁ గాలమెల్ల పూఁట వూఁటకు
(॥పల్లవి॥)
పోయఁబోయఁ గాలమెల్ల పూఁట వూఁటకు
చేయి నోరు నోడాయ చెల్లఁబో యీరోఁతలు
(॥పోయఁ॥)
తిప్పన తొప్పన కేతు దేవన బావన గనున్న
పప్పన బొప్పనగారి బాడిపాడి
కుప్పలుఁదెప్పలు నైనకోరికెలు మతిలోన
యెప్పుడుఁ బాయకపోయ నెన్ని లేవు రోఁతలు
(॥పోయఁ॥)
కాచన పోచన మాచు కల్లప బొల్లప మల్లు
బాచన దేచనగారిఁ బాడిపాడి
యేచినపరసుఖము నిహమును లేకపోయ
చీచీ విరిగితిమి చెప్పనేల రోఁతలు
(॥పోయఁ॥)
బుక్కన తిక్కన చెల్లు బూమన కామన పేరి-
బక్కల నిందరి నోరఁ బాడిపాడి
యెక్కువైన తిరువేంకటేశునిఁ దలఁచలేక
కుక్కకాటుఁ జెప్పుటాటై కూడె నిన్ని రోఁతలు
(||pallavi||)
poyam̐boyam̐ gālamĕlla pūm̐ṭa vūm̐ṭagu
seyi noru noḍāya sĕllam̐bo yīrom̐talu
(||poyam̐||)
tippana tŏppana kedu devana bāvana ganunna
pappana bŏppanagāri bāḍibāḍi
kuppalum̐dĕppalu nainagorigĕlu madilona
yĕppuḍum̐ bāyagaboya nĕnni levu rom̐talu
(||poyam̐||)
kāsana posana māsu kallaba bŏllaba mallu
bāsana desanagārim̐ bāḍibāḍi
yesinabarasukhamu nihamunu legaboya
sīsī virigidimi sĕppanela rom̐talu
(||poyam̐||)
bukkana tikkana sĕllu būmana kāmana peri-
bakkala niṁdari noram̐ bāḍibāḍi
yĕkkuvaina tiruveṁkaḍeśhunim̐ dalam̐salega
kukkagāḍum̐ jĕppuḍāḍai kūḍĕ ninni rom̐talu