పోరొ పోరొ యమ్మలాల బొమ్మలాటవారము
(॥పల్లవి॥)
పోరొ పోరొ యమ్మలాల బొమ్మలాటవారము
యీరసాన మమ్ము నిట్టే యేమిసేసేరు
(॥పోరొ॥)
ఊరులేనిపొలమేర వొడలు మోచుకొని నేము
తేరదేహ మెక్కుకొని తిరిగేము
వారువీరనుచు వట్టివావులు సేసుక లేని-
పేరు పెట్టుకొని లోలోఁ బిరువీకులయ్యేము
(॥పోరొ॥)
బుద్దిలేనిబుద్దితోడ పొందు సేసుకొని వట్టి-
యెద్దుబండికంటి సంది నీఁగేము
నిద్దురలో తెలివంటా నీడలోని యెండంటా
వుద్దువుద్దులై లేనివొద్దిక నున్నారము
(॥పోరొ॥)
మాటులేనిమాటు దెచ్చి మరఁగు వెట్టుక వట్టి-
మేటానమేట్లవలె మెరసేము
గాటమైనతిరువేంకటగిరినిలయుని-
నాటకమే నిజమని నమ్మిక నున్నారము
(||pallavi||)
porŏ porŏ yammalāla bŏmmalāḍavāramu
yīrasāna mammu niṭṭe yemiseseru
(||porŏ||)
ūrulenibŏlamera vŏḍalu mosugŏni nemu
teradeha mĕkkugŏni tirigemu
vāruvīranusu vaṭṭivāvulu sesuga leni-
peru pĕṭṭugŏni lolom̐ biruvīgulayyemu
(||porŏ||)
buddilenibuddidoḍa pŏṁdu sesugŏni vaṭṭi-
yĕddubaṁḍigaṁṭi saṁdi nīm̐gemu
nidduralo tĕlivaṁṭā nīḍaloni yĕṁḍaṁṭā
vudduvuddulai lenivŏddiga nunnāramu
(||porŏ||)
māḍulenimāḍu dĕchchi maram̐gu vĕṭṭuga vaṭṭi-
meḍānameṭlavalĕ mĕrasemu
gāḍamainadiruveṁkaḍagirinilayuni-
nāḍagame nijamani nammiga nunnāramu