(॥పల్లవి॥)
పోరాక పోయి తలఁపుననున్న దైవంబుఁ
జేరనొల్లక పరులఁ జేరఁ దిరగెదము
(॥పోరా॥)
వడిఁబారు పెనుమృగము వలలలోపలఁ దగులు
వడి వెడల గతిలేక వడఁకుచున్నట్లు
చెడనికర్మములలోఁ జిక్కి భవములబాధఁ
బడియెదముగాక యేపనికిఁ దిరిగెదము
(॥పోరా॥)
నీరులోపలిమీను నిగిడి యామిషముకై
కోరి గాలము మ్రింగి కూలబఁడినట్లు
జారిపోయిననేల సంసారసౌఖ్యవి-
కారంపుమోహములఁ గట్టువడియెదము
(॥పోరా॥)
శ్రీవేంకటేశు నాశ్రితలోకరక్షకుని
భావింప దేవతాపతియైనవాని
సేవించుభావంబు చిత్తమొడఁబడక నే-
మీవలావలిపనుల నిట్లఁ దిరిగెదము
(||pallavi||)
porāga poyi talam̐punanunna daivaṁbum̐
jeranŏllaga parulam̐ jeram̐ diragĕdamu
(||porā||)
vaḍim̐bāru pĕnumṛgamu valalalobalam̐ dagulu
vaḍi vĕḍala gadilega vaḍam̐kusunnaṭlu
sĕḍanigarmamulalom̐ jikki bhavamulabādham̐
baḍiyĕdamugāga yebanigim̐ dirigĕdamu
(||porā||)
nīrulobalimīnu nigiḍi yāmiṣhamugai
kori gālamu mriṁgi kūlabam̐ḍinaṭlu
jāriboyinanela saṁsārasaukhyavi-
kāraṁpumohamulam̐ gaṭṭuvaḍiyĕdamu
(||porā||)
śhrīveṁkaḍeśhu nāśhridalogarakṣhaguni
bhāviṁpa devadābadiyainavāni
seviṁchubhāvaṁbu sittamŏḍam̐baḍaga ne-
mīvalāvalibanula niṭlam̐ dirigĕdamu