(॥పల్లవి॥)
పూవువంటిదానను పూఁపవంటిది వయసు
సావధానమున నీ సంసారఫలము
(॥పవు॥)
నీవు బోధించినయట్టి నిజములె నానిజము
భావించి నీవు నడపె పంతము నాది
లావుల నీమన్నన కొలఁదుల వారమువేము
వోవసేసి మమ్ము నేల వొరసేవువిభుఁడా
(॥పవు॥)
చక్కఁగా నీవు నడపె సమేళము నాసలిగె
చెక్కుల నీవు వొత్తిన చిన్న లివిగో
పక్కన నీవు గప్పినపచ్చడము నామీఁదిది
తెక్కుల నన్నెంత కెంత తెలిపేవువిభుఁడా
(॥పవు॥)
కాఁగిట నీవుగూడిన గరిమ నేఁ బొగడేది
మాఁగిన నీమోవితేనె మావిందులు
రాఁగిన సంతోసపు రతుల నన్నేలితివి
చేఁగదేరించఁగ నేల శ్రీ వెంకటవిభుఁడా
(||pallavi||)
pūvuvaṁṭidānanu pūm̐pavaṁṭidi vayasu
sāvadhānamuna nī saṁsāraphalamu
(||pavu||)
nīvu bodhiṁchinayaṭṭi nijamulĕ nānijamu
bhāviṁchi nīvu naḍabĕ paṁtamu nādi
lāvula nīmannana kŏlam̐dula vāramuvemu
vovasesi mammu nela vŏrasevuvibhum̐ḍā
(||pavu||)
sakkam̐gā nīvu naḍabĕ sameḽamu nāsaligĕ
sĕkkula nīvu vŏttina sinna livigo
pakkana nīvu gappinabachchaḍamu nāmīm̐didi
tĕkkula nannĕṁta kĕṁta tĕlibevuvibhum̐ḍā
(||pavu||)
kām̐giḍa nīvugūḍina garima nem̐ bŏgaḍedi
mām̐gina nīmovidenĕ māviṁdulu
rām̐gina saṁtosabu radula nannelidivi
sem̐gaderiṁcham̐ga nela śhrī vĕṁkaḍavibhum̐ḍā