Priyade milineerilen

പ്രിയതേ മിഴിനീരിലെന്നെ ആഴ്ത്തി നീ മറഞ്ഞു
തനിയെ സ്മൃതി തോറും എന്നെ തള്ളി നീയകന്നു
പ്രിയതേ മിഴിനീരിലെന്നെ ആഴ്ത്തി നീ മറഞ്ഞു

തേങ്ങാതെ ഉള്ളം തേങ്ങിക്കരയുമ്പോഴും
അഴലിന്റെ ഭാരം പേറി അലയുമ്പോഴും
പൊന്‍ നാളങ്ങള്‍ പൊലിയും എന്‍ ജീവനില്‍
നിന്‍ മുഖം മാത്രം

പ്രിയതേ മിഴിനീരിലെന്നെ ആഴ്ത്തി നീ മറഞ്ഞു

ഒരു നേരം പോലും തമ്മില്‍ പിരിയാതെയും
ഒരു കാര്യം പോലും തമ്മില്‍ ഒളിക്കാതെയും
ഒന്നായി നാം കഴിഞ്ഞൊരാ നാളുമായ്
എങ്ങു നീ പോയി

(പ്രിയതേ )