పొంచి యేమి సేసినాను పుచ్చకాయలోర్చుఁ గాక
(॥పల్లవి॥)
పొంచి యేమి సేసినాను పుచ్చకాయలోర్చుఁ గాక
యెంచి వేలఁ జూపితేను యితరములోర్చునా
(॥పొంచి॥)
కన్నుల నొకతె నిన్ను కాఁతాళించి తిట్టితేను
వెన్నెలరేకు నవ్వులు వెదచల్లేవు
నిన్నువంటిచేఁతలు నేఁడు వకు నున్నవా
వెన్నదీసినట్టి చల్ల వేఁడనెట్టివారము(?)
(॥పొంచి॥)
పొలసి సిగ్గుననాపె బొమ్మల నదలించితే
చెలరేఁగి చెలరేఁగి చెక్కునొక్కేవు
తలఁపులో నీవలె తాలిమి మాకున్నదా
వొలిసి యీలకూరకు నుప్పడిగేవారము
(॥పొంచి॥)
కడు వాఁడికుచములఁ గాఁగిలించి వొత్తితేను
జడియక ఆపెకిట్టే సంతసించేవు
కడఁగి శ్రీవేంకటేశ కలసితివిఁకనేము
వడియని మోవితేనె వారవట్టువారము
(||pallavi||)
pŏṁchi yemi sesinānu puchchagāyalorsum̐ gāga
yĕṁchi velam̐ jūbidenu yidaramulorsunā
(||pŏṁchi||)
kannula nŏgadĕ ninnu kām̐tāḽiṁchi tiṭṭidenu
vĕnnĕlaregu navvulu vĕdasallevu
ninnuvaṁṭisem̐talu nem̐ḍu vagu nunnavā
vĕnnadīsinaṭṭi salla vem̐ḍanĕṭṭivāramu(?)
(||pŏṁchi||)
pŏlasi siggunanābĕ bŏmmala nadaliṁchide
sĕlarem̐gi sĕlarem̐gi sĕkkunŏkkevu
talam̐pulo nīvalĕ tālimi māgunnadā
vŏlisi yīlagūragu nuppaḍigevāramu
(||pŏṁchi||)
kaḍu vām̐ḍigusamulam̐ gām̐giliṁchi vŏttidenu
jaḍiyaga ābĕgiṭṭe saṁtasiṁchevu
kaḍam̐gi śhrīveṁkaḍeśha kalasidivim̐kanemu
vaḍiyani movidenĕ vāravaṭṭuvāramu