పొంచి నే వారికి నెల్లా బుద్ది చెప్పేను
(॥పల్లవి॥)
పొంచి నే వారికి నెల్లా బుద్ది చెప్పేను
యెంచరాని మాటాడేవారెవ్వరయ్య నిన్నును
(॥పొంచి॥)
చేరి నిన్నునాపెచూచి చిత్తములో గురి దాఁకె
సారెనిఁక మరేల విచారించేవు
చేరువ నేనున్నదాన చేతిలోనిదాననింతే
యీరసానఁ గాదనేవారెవ్వరయ్య నిన్నును
(॥పొంచి॥)
నవ్వేవారెల్లా నవ్విరి ననుపు నీకంతనాయ
నివ్వటిల్ల నీకు వట్టి నేమములేలా
మువ్వంక నీచేఁతలెల్ల మూసి దాఁచేదాననింతే
యివ్వలరట్టు సేసేవారెవ్వరయ్య నిన్నును
(॥పొంచి॥)
వూడిగము నేఁజేసితి వొద్దనున్నఁ గూడితివి
వేడుకతోనిందుకెంత వెరగందేవు
పాడితో శ్రీ వెంకటేశ పట్టపుదేవిని నేను
యీడఁ దప్పునవట్టేటి వారెవ్వరయ్య నిన్నును
(||pallavi||)
pŏṁchi ne vārigi nĕllā buddi sĕppenu
yĕṁcharāni māḍāḍevārĕvvarayya ninnunu
(||pŏṁchi||)
seri ninnunābĕsūsi sittamulo guri dām̐kĕ
sārĕnim̐ka marela visāriṁchevu
seruva nenunnadāna sedilonidānaniṁte
yīrasānam̐ gādanevārĕvvarayya ninnunu
(||pŏṁchi||)
navvevārĕllā navviri nanubu nīgaṁtanāya
nivvaḍilla nīgu vaṭṭi nemamulelā
muvvaṁka nīsem̐talĕlla mūsi dām̐sedānaniṁte
yivvalaraṭṭu sesevārĕvvarayya ninnunu
(||pŏṁchi||)
vūḍigamu nem̐jesidi vŏddanunnam̐ gūḍidivi
veḍugadoniṁdugĕṁta vĕragaṁdevu
pāḍido śhrī vĕṁkaḍeśha paṭṭabudevini nenu
yīḍam̐ dappunavaṭṭeḍi vārĕvvarayya ninnunu