పొలయలుక నిద్దురలు భోగించ దొరకొంటి
(॥పల్లవి॥)
పొలయలుక నిద్దురలు భోగించ దొరకొంటి
అలర వడి మేల్కొనవె అఖిలేశ్వర
(॥పొల॥)
తరుణిమైనపుడె పరితాప సూర్యుఁడు వొడిచె
వరుసఁ జెలి కన్నుఁగలువలు మొగిచెను
మరుని సాయకపు తామరలు వికసించె
కరుణతో మేల్కొనవె కమలేశ్వర
(॥పొల॥)
కాంత నిట్లూర్పులను గాలియును నగ్నియును
వంత చెమటలవాన వరుణుండును
వింతలుగ నిన్ను సేవింతుమని యున్నారు
పంతమున మేల్కోనవె పరమేశ్వర
(॥పొల॥)
మెలుఁత పెనుఁదురుమనెడి మేఘమండలములో
నలుగడలఁ జెలఁగె సుమనసపంక్తులు
కులికి పూవులవాన గురియంగ నున్న దిదే
చలముడిగి మేల్కొనవె సర్వేశ్వర
(॥పొల॥)
కదిసి పులకలసృష్టి కడలేక పొడమించు
మదనుఁడను మానస కమల భవుఁడును
ముదిత కోపపుహరుఁడు మొనసి యున్నారిదే
నిదుర మేల్కొనవె జలనిధిశయనుఁడ
(॥పొల॥)
ఒడికముగఁ జెలిలోన నుదయరాగము వొడమె
వెడలె నదె పలుకుఁ గోవిలరవములు
పడఁతిఁ గూడితివి రవి పరవశం బిఁకనైన
కడఁగి మేల్కనవె వేంకటరమణుఁడ
(||pallavi||)
pŏlayaluga nidduralu bhogiṁcha dŏragŏṁṭi
alara vaḍi melgŏnavĕ akhileśhvara
(||pŏla||)
taruṇimainabuḍĕ paridāba sūryum̐ḍu vŏḍisĕ
varusam̐ jĕli kannum̐galuvalu mŏgisĕnu
maruni sāyagabu tāmaralu vigasiṁchĕ
karuṇado melgŏnavĕ kamaleśhvara
(||pŏla||)
kāṁta niṭlūrbulanu gāliyunu nagniyunu
vaṁta sĕmaḍalavāna varuṇuṁḍunu
viṁtaluga ninnu seviṁtumani yunnāru
paṁtamuna melgonavĕ parameśhvara
(||pŏla||)
mĕlum̐ta pĕnum̐durumanĕḍi meghamaṁḍalamulo
nalugaḍalam̐ jĕlam̐gĕ sumanasabaṁktulu
kuligi pūvulavāna guriyaṁga nunna dide
salamuḍigi melgŏnavĕ sarveśhvara
(||pŏla||)
kadisi pulagalasṛṣhṭi kaḍalega pŏḍamiṁchu
madanum̐ḍanu mānasa kamala bhavum̐ḍunu
mudida kobabuharum̐ḍu mŏnasi yunnāride
nidura melgŏnavĕ jalanidhiśhayanum̐ḍa
(||pŏla||)
ŏḍigamugam̐ jĕlilona nudayarāgamu vŏḍamĕ
vĕḍalĕ nadĕ palugum̐ govilaravamulu
paḍam̐tim̐ gūḍidivi ravi paravaśhaṁ bim̐kanaina
kaḍam̐gi melganavĕ veṁkaḍaramaṇum̐ḍa