(॥పల్లవి॥)
పొలమెల్లఁ దిరిగిన బోడెద్దు
గరిమెలో(తో?) నెవ్వరికి దగ్గరి రాని యెద్దు
(॥పొల్ల॥)
పురములు సాధించ బూనినప్పుడు భూమి
భరమెత్తి నిలచిన బండెద్దు
పరివోని మందల పసులఁ బోఁదోలి శ్రీ
వరుఁడై రోలఁ గట్టువడినెద్దు
(॥పొల్ల॥)
ఒడలెత్తి నాలుగుయుగముల బడిఁ
బడి ధర్మదేవతై పరగినెద్దు
తడవి దేవరలను దామెర లను గట్టఁ
గడఁగి మానిసిరూపు కపిలెద్దు
(॥పొల్ల॥)
గోవైన భూదేవి గూరిమిఁ జేకొని
లావైన వృషభాచలపు టెద్దు
మోపఁగ వేదాలు మొల్లమై సిరితోడ
శ్రీ వేంకటాద్రి మించిన మాయలెద్దు
(||pallavi||)
pŏlamĕllam̐ dirigina boḍĕddu
garimĕlo(to?) nĕvvarigi daggari rāni yĕddu
(||pŏlla||)
puramulu sādhiṁcha būninappuḍu bhūmi
bharamĕtti nilasina baṁḍĕddu
parivoni maṁdala pasulam̐ bom̐doli śhrī
varum̐ḍai rolam̐ gaṭṭuvaḍinĕddu
(||pŏlla||)
ŏḍalĕtti nāluguyugamula baḍim̐
baḍi dharmadevadai paraginĕddu
taḍavi devaralanu dāmĕra lanu gaṭṭam̐
gaḍam̐gi mānisirūbu kabilĕddu
(||pŏlla||)
govaina bhūdevi gūrimim̐ jegŏni
lāvaina vṛṣhabhāsalabu ṭĕddu
mobam̐ga vedālu mŏllamai siridoḍa
śhrī veṁkaḍādri miṁchina māyalĕddu