పోదిగా నేఁడతనికే పొలిఁతి మానము గాన
(॥పల్లవి॥)
పోదిగా నేఁడతనికే పొలిఁతి మానము గాన
సేదదేరఁ జెమటలు చిలికించెఁ జూడరే
(॥పోది॥)
కుంతలపు నెరుల చిక్కుల చీఁకటులఁ జిక్కె
యింతలోనే ముఖచంద్రుఁడింతికి నేఁడు
చెంత వాయఁ బతివచ్చి జిగిచన్నుఁగొండలపై
వింత చందురుల దండు విడియించెఁ జూడరే
(॥పోది॥)
ఈతల నిట్టూరుపుల యెండమావులనె వాడె
లేఁతమోవి చిగురు యీ లేమకు నేఁడు
పూఁతగాఁ దెచ్చి చెలియ పులకలవెల్లి నించె
మేఁతలాడి రమణుఁడీ మెలుఁతమైఁ జూడరే
(॥పోది॥)
పుట్టుబోగి సిగ్గుల చూపుల పూవుఁదీగెలపై
పిట్టపిడుగాయ సతిప్రేమము నేఁడు
గట్టిగ వేంకటపతి కౌఁగిటనలమి కొమ్మ
దిట్టఁజేసి భయమెల్ల దిగఁదోసెఁ జూడరే
(||pallavi||)
podigā nem̐ḍadanige pŏlim̐ti mānamu gāna
sedaderam̐ jĕmaḍalu siligiṁchĕm̐ jūḍare
(||podi||)
kuṁtalabu nĕrula sikkula sīm̐kaḍulam̐ jikkĕ
yiṁtalone mukhasaṁdrum̐ḍiṁtigi nem̐ḍu
sĕṁta vāyam̐ badivachchi jigisannum̐gŏṁḍalabai
viṁta saṁdurula daṁḍu viḍiyiṁchĕm̐ jūḍare
(||podi||)
īdala niṭṭūrubula yĕṁḍamāvulanĕ vāḍĕ
lem̐tamovi siguru yī lemagu nem̐ḍu
pūm̐tagām̐ dĕchchi sĕliya pulagalavĕlli niṁchĕ
mem̐talāḍi ramaṇum̐ḍī mĕlum̐tamaim̐ jūḍare
(||podi||)
puṭṭubogi siggula sūbula pūvum̐dīgĕlabai
piṭṭabiḍugāya sadipremamu nem̐ḍu
gaṭṭiga veṁkaḍabadi kaum̐giḍanalami kŏmma
diṭṭam̐jesi bhayamĕlla digam̐dosĕm̐ jūḍare