పొద్దువోయె నింక నేల బూమెలు, యింత
(॥పల్లవి॥)
పొద్దువోయె నింక నేల బూమెలు, యింత
వద్దు నీకు సింగారాలు వచ్చేవొ రావొ
(॥పొద్దు॥)
పల్లవపు బరపుపై పవ్వళించు చెలిలాగు
తల్లడ మయ్యెడి నేము దలఁచినా
చొల్లెపుఁజుట్లే నీకుఁ జుట్టబట్టె నింతవడి
వల్లడి వలపు కాఁడ వచ్చేవొ రావొ
(॥పొద్దు॥)
పొడలు వెట్టుచునున్న పొలఁతిభావము చెప్ప
తడఁబడె నాలిక తమకాన
కడు ముత్యపుఁ బేరులె కట్టఁబట్టె మెడనిండ
వడచల్లు చూపుకాఁడ వచ్చేవొ రావొ
(॥పొద్దు॥)
యింతి మేనిపరితాప మింతేసి నే మెఱింగింప
పంతానికె విచ్చేసితి పైకొని
కంతునిగురుఁడ వేంకటరాయ యిటమీఁద
వంతఁబెట్టక యిట్టె వచ్చేవొరావొ
(||pallavi||)
pŏdduvoyĕ niṁka nela būmĕlu, yiṁta
vaddu nīgu siṁgārālu vachchevŏ rāvŏ
(||pŏddu||)
pallavabu barabubai pavvaḽiṁchu sĕlilāgu
tallaḍa mayyĕḍi nemu dalam̐sinā
sŏllĕbum̐juṭle nīgum̐ juṭṭabaṭṭĕ niṁtavaḍi
vallaḍi valabu kām̐ḍa vachchevŏ rāvŏ
(||pŏddu||)
pŏḍalu vĕṭṭusununna pŏlam̐tibhāvamu sĕppa
taḍam̐baḍĕ nāliga tamagāna
kaḍu mutyabum̐ berulĕ kaṭṭam̐baṭṭĕ mĕḍaniṁḍa
vaḍasallu sūbugām̐ḍa vachchevŏ rāvŏ
(||pŏddu||)
yiṁti menibaridāba miṁtesi ne mĕṟiṁgiṁpa
paṁtānigĕ vichchesidi paigŏni
kaṁtunigurum̐ḍa veṁkaḍarāya yiḍamīm̐da
vaṁtam̐bĕṭṭaga yiṭṭĕ vachchevŏrāvŏ