పొద్దువోనివాఁడవై పూఁచి మమ్ముఁ జెనకేవు
(॥పల్లవి॥)
పొద్దువోనివాఁడవై పూఁచి మమ్ముఁ జెనకేవు
సుద్దులు చెప్పినవారు సూడిచ్చేరా
(॥పొద్దు॥)
ఆడినమాటకుత్తరమాపె నీకీవలెఁ గాక
వాడికచెలుల మెల్లా వాదించేమా
జాడగాదు మాతోనేల సరసాలాడేవు
వీడేలందుకొన్నవారు వియ్యమందేరా
(॥పొద్దు॥)
చేసినచేఁతకుఁజేఁత చెలి నిన్నుఁ జేసుఁగాక
యీసుదీర్చేచెలులము యియ్యకొనేమా
సేసలువెట్టితినంటా చెరగులేల పట్టేవు
కైసేసిన పేరఁటాండ్లు కాలుదొక్కేరా
(॥పొద్దు॥)
కొంకక నీరతులకు గురి నీదేవులే కాక
వంకలొత్తే చెలులము వావి చెప్పేమా
కంకిగా శ్రీవేంకటేశ కాంత దానే వచ్చి కూడె
లంకెల చుట్టాలము మేలములాడేమా
(||pallavi||)
pŏdduvonivām̐ḍavai pūm̐si mammum̐ jĕnagevu
suddulu sĕppinavāru sūḍichcherā
(||pŏddu||)
āḍinamāḍaguttaramābĕ nīgīvalĕm̐ gāga
vāḍigasĕlula mĕllā vādiṁchemā
jāḍagādu mādonela sarasālāḍevu
vīḍelaṁdugŏnnavāru viyyamaṁderā
(||pŏddu||)
sesinasem̐tagum̐jem̐ta sĕli ninnum̐ jesum̐gāga
yīsudīrsesĕlulamu yiyyagŏnemā
sesaluvĕṭṭidinaṁṭā sĕragulela paṭṭevu
kaisesina peram̐ṭāṁḍlu kāludŏkkerā
(||pŏddu||)
kŏṁkaga nīradulagu guri nīdevule kāga
vaṁkalŏtte sĕlulamu vāvi sĕppemā
kaṁkigā śhrīveṁkaḍeśha kāṁta dāne vachchi kūḍĕ
laṁkĕla suṭṭālamu melamulāḍemā