పొద్దు వోక నీవు నాతో బొంక వచ్చే వింతే కాక
(॥పల్లవి॥)
పొద్దు వోక నీవు నాతో బొంక వచ్చే వింతే కాక
గద్దించి నీ వెట్టుండినఁ గాదు గూడ దనేనా
(॥పొద్దు వోక॥)
న న్నొడఁ బరచకుర నమ్మికలు సేయకుర
నిన్నే మయిన నంటినా నీవు గొంకేవు
అన్నిట లోకమువారు ఆడుకొందు రింతే కాక
విన్న నీ సుద్దులు నేను వెల్లవిరి సేసేనా
(॥పొద్దు వోక॥)
యింత న న్నుబ్బించకుర యిచ్చకాలు సేయకుర
జంత నై ని న్నిఁక నే సాదించేనా
కాంతుఁడ నీ చుట్టాలు పక్కాలు నమ్మ రింతే కాక
మంతనాన నీపై నింద మరి వేసేనా
(॥పొద్దు వోక॥)
గడ్డము వట్టకురా కాఁగిట నించకురా
యెడ్డనై నీమాటకు నే నెదు రాడేనా
వెడ్డు వెట్టి యిట్ల శ్రీవెంకటేశ కూడితివి
దొడ్డదొర వైన నిన్ను దూరు కెక్కించేనా
(||pallavi||)
pŏddu voga nīvu nādo bŏṁka vachche viṁte kāga
gaddiṁchi nī vĕṭṭuṁḍinam̐ gādu gūḍa danenā
(||pŏddu voga||)
na nnŏḍam̐ barasagura nammigalu seyagura
ninne mayina naṁṭinā nīvu gŏṁkevu
anniḍa logamuvāru āḍugŏṁdu riṁte kāga
vinna nī suddulu nenu vĕllaviri sesenā
(||pŏddu voga||)
yiṁta na nnubbiṁchagura yichchagālu seyagura
jaṁta nai ni nnim̐ka ne sādiṁchenā
kāṁtum̐ḍa nī suṭṭālu pakkālu namma riṁte kāga
maṁtanāna nībai niṁda mari vesenā
(||pŏddu voga||)
gaḍḍamu vaṭṭagurā kām̐giḍa niṁchagurā
yĕḍḍanai nīmāḍagu ne nĕdu rāḍenā
vĕḍḍu vĕṭṭi yiṭla śhrīvĕṁkaḍeśha kūḍidivi
dŏḍḍadŏra vaina ninnu dūru kĕkkiṁchenā