(॥పల్లవి॥)
పొదలు నీ సొబగెల్ల పోదేల కొల్ల
తుదలేని నీ మేలు దొరకెఁగా నాకు
(॥పొదలు॥)
ఒడలిపై నీచెమట వూరు వాడెడు చెలమ
జడియు నీ తమకంబు సంత తగరు
కడగంటి నీచూపు కట్ట వదలిన క్రేపు
వడి నిన్నుఁ గరఁగింప వశమా నాకు
(॥పొదలు॥)
చిఱునవ్వు నీపలుకు జిగురు చుట్టిన కండె
తెఱవలకు నీ మోవి తెరువు పెసరు
పఱచు నీనునుఁజేఁత బట్టబాయిటి యీఁత
తఱి నిన్నుఁ బైకొనఁగ దరమా నాకు
(॥పొదలు॥)
చెలువంపు నీ చెలిమి చెఱకు వండిన పండు
కెలపు నీ యలుక తంగేటి జున్ను
చలివాపు నీచనవు జాజులుఁ ప్రాసాదంబు
కలిగె నీకరుణ వేంకట విభుఁడ నాకు
(||pallavi||)
pŏdalu nī sŏbagĕlla podela kŏlla
tudaleni nī melu dŏragĕm̐gā nāgu
(||pŏdalu||)
ŏḍalibai nīsĕmaḍa vūru vāḍĕḍu sĕlama
jaḍiyu nī tamagaṁbu saṁta tagaru
kaḍagaṁṭi nīsūbu kaṭṭa vadalina krebu
vaḍi ninnum̐ garam̐giṁpa vaśhamā nāgu
(||pŏdalu||)
siṟunavvu nībalugu jiguru suṭṭina kaṁḍĕ
tĕṟavalagu nī movi tĕruvu pĕsaru
paṟasu nīnunum̐jem̐ta baṭṭabāyiḍi yīm̐ta
taṟi ninnum̐ baigŏnam̐ga daramā nāgu
(||pŏdalu||)
sĕluvaṁpu nī sĕlimi sĕṟagu vaṁḍina paṁḍu
kĕlabu nī yaluga taṁgeḍi junnu
salivābu nīsanavu jājulum̐ prāsādaṁbu
kaligĕ nīgaruṇa veṁkaḍa vibhum̐ḍa nāgu