పొదలఁ బొదలఁగఁ దనువు పుణ్యపాపముపొత్తు
(॥పల్లవి॥)
పొదలఁ బొదలఁగఁ దనువు పుణ్యపాపముపొత్తు
వదల వదలఁగ మనసు వద్దనే నిలుచు
(॥పొద॥)
పెరుగు నింద్రియసుఖము పెంచఁగాఁ బెంచఁగా
ధరఁ బెరుగుఁ గోరికలు తలఁచఁ దలఁచ
కెరలు లంపటము మిక్కిలి కూర్చుఁ(ర్చఁ?) గూర్చఁగా
మరలింప మరలింప మనసులో నణఁగు
(॥పొద॥)
కలుగు పనులే మైనఁ గడుఁ జేయఁ జేయఁగా
మలసి కలుగును రుచులు మరుగ మరుగ
బలియు నజ్ఞానంబు భ్రమయఁగా భ్రమయఁగా
నిలువ నిలువఁగ మనసు నిశ్చలం బవును
(॥పొద॥)
నెగడు గుణములు పెక్కు నించఁగా నించఁగా
మిగుల(లు?) సంసారంబు మెలఁగ మెలఁగ
తగిలి శ్రీవేంకటేశు దగ్గరి కొలువఁగఁ గొలువ
పొగడఁ బొగడఁగ నతఁడు పొంతనే నిలుచు
(||pallavi||)
pŏdalam̐ bŏdalam̐gam̐ danuvu puṇyabābamubŏttu
vadala vadalam̐ga manasu vaddane nilusu
(||pŏda||)
pĕrugu niṁdriyasukhamu pĕṁcham̐gām̐ bĕṁcham̐gā
dharam̐ bĕrugum̐ gorigalu talam̐sam̐ dalam̐sa
kĕralu laṁpaḍamu mikkili kūrsum̐(rsam̐?) gūrsam̐gā
maraliṁpa maraliṁpa manasulo naṇam̐gu
(||pŏda||)
kalugu panule mainam̐ gaḍum̐ jeyam̐ jeyam̐gā
malasi kalugunu rusulu maruga maruga
baliyu najñānaṁbu bhramayam̐gā bhramayam̐gā
niluva niluvam̐ga manasu niśhchalaṁ bavunu
(||pŏda||)
nĕgaḍu guṇamulu pĕkku niṁcham̐gā niṁcham̐gā
migula(lu?) saṁsāraṁbu mĕlam̐ga mĕlam̐ga
tagili śhrīveṁkaḍeśhu daggari kŏluvam̐gam̐ gŏluva
pŏgaḍam̐ bŏgaḍam̐ga nadam̐ḍu pŏṁtane nilusu