(॥పల్లవి॥)
పోపో అదేఁటిమాట పొద్దువోదా
మాపుదాఁకా నదే కాక మరి యేఁటిమాటలే
(॥పోపో॥)
గుత్తులపూవులు నీవు కోవయ్య కానికె ఆ
గుత్తులేల నీచనుగుత్తులీరాదా
జొత్తులైన లతలవే చూడవయ్య మాటలేల
హత్తి నీబాహులతలు అవె కంటినే
(॥పోపో॥)
పండుబలమిదివో పట్టువయ్య సూడిదె
పండులేల నీమోవిపండె కాక
మెండగుఁ దామరలు మీఁదవేసేఁ జుమ్మీ
దండి నీచేతులె రెండుతామరలు గావా
(॥పోపో॥)
కప్పురమిచ్చే నీకుఁ గైకోవయ్యా ఆ
కప్పురాలు నీనోరికతలెకావా
యిప్పుడె శ్రీ వెంకటేశ యిటుగూడితి నేఁ
డిప్పుడా అల్లప్పుడెపో యెరఁగవు గాని
(||pallavi||)
pobo adem̐ṭimāḍa pŏdduvodā
mābudām̐kā nade kāga mari yem̐ṭimāḍale
(||pobo||)
guttulabūvulu nīvu kovayya kānigĕ ā
guttulela nīsanuguttulīrādā
jŏttulaina ladalave sūḍavayya māḍalela
hatti nībāhuladalu avĕ kaṁṭine
(||pobo||)
paṁḍubalamidivo paṭṭuvayya sūḍidĕ
paṁḍulela nīmovibaṁḍĕ kāga
mĕṁḍagum̐ dāmaralu mīm̐davesem̐ jummī
daṁḍi nīsedulĕ rĕṁḍudāmaralu gāvā
(||pobo||)
kappuramichche nīgum̐ gaigovayyā ā
kappurālu nīnorigadalĕgāvā
yippuḍĕ śhrī vĕṁkaḍeśha yiḍugūḍidi nem̐
ḍippuḍā allappuḍĕbo yĕram̐gavu gāni