పిలిచీ రాఁగదవే ప్రియుఁడు నిన్ను
(॥పల్లవి॥)
పిలిచీ రాఁగదవే ప్రియుఁడు నిన్ను
బలిమి సేసినంతనే పనులెల్లా దక్కునా
(॥పిలిచీ॥)
కలసి మెలసి వుంటే కాపురమీడేరుఁ గాక
పెలుచుఁదనాననుంటే ప్రేమ వుట్టునా
నెలఁతకు మగనితో నేస్తమే మంచిదిగాక
అలుకలు నెరపితే నట్టే విసుగరా
(॥పిలిచీ॥)
మాటలు సారెనాడఁగా మనసులెనయుఁగాక
జూటుఁదనాన నుండితే సొంపు గల్గునా
మేటిజవ్వనపువారు మేలుమీఁదివారుగాక
బూటకము చూపితేను పొందులు వొసఁగునా
(॥పిలిచీ॥)
సరసములాడఁగానే చవులు గానిపించుఁగాక
యెరపరికములైతే యెబ్బిడి గాదా
సిరుల నిన్నేలె నేఁడు శ్రీవేంకటేశ్వరుఁడు
మరిగి పాయకుండితే మచ్చికలు రేఁగవా
(||pallavi||)
pilisī rām̐gadave priyum̐ḍu ninnu
balimi sesinaṁtane panulĕllā dakkunā
(||pilisī||)
kalasi mĕlasi vuṁṭe kāburamīḍerum̐ gāga
pĕlusum̐danānanuṁṭe prema vuṭṭunā
nĕlam̐tagu maganido nestame maṁchidigāga
alugalu nĕrabide naṭṭe visugarā
(||pilisī||)
māḍalu sārĕnāḍam̐gā manasulĕnayum̐gāga
jūḍum̐danāna nuṁḍide sŏṁpu galgunā
meḍijavvanabuvāru melumīm̐divārugāga
būḍagamu sūbidenu pŏṁdulu vŏsam̐gunā
(||pilisī||)
sarasamulāḍam̐gāne savulu gānibiṁchum̐gāga
yĕrabarigamulaide yĕbbiḍi gādā
sirula ninnelĕ nem̐ḍu śhrīveṁkaḍeśhvarum̐ḍu
marigi pāyaguṁḍide machchigalu rem̐gavā