పెట్టిన దైవ మెరుఁగు బీరకాయలోని చిక్కు
(॥పల్లవి॥)
పెట్టిన దైవ మెరుఁగు బీరకాయలోని చిక్కు
దిట్ట కూళప్రాణులమై తిరుగుతఁ గాకా
(॥పెట్టి॥)
కాయము మోచి పుట్టి కర్మమున కొడిగట్టి
రోయఁబోతే మేనిలోని రోఁత వోయీనా
పాయపువలఁ దగిలి పాపపుణ్యములఁ జిక్కి
తీయఁబోతే వచ్చునా తెగరాని బంధము
(॥పెట్టి॥)
జగములోఁ గటువడి సంసారదుఃఖమంది
నగఁబోతేఁ గొంతైనా నవ్వు వచ్చీనా
చిగురుటాసఁ దగిలి చింతాజలధిఁ బడి
యెగదిగఁ జూడఁబోతే యెందుకు నెక్కినది
(॥పెట్టి॥)
పరమాత్ము మతిఁ గని భవములెల్లఁ గడచి
ధరణి మాయలతోడి తగులున్నదా
సిరుల మించినయట్టి శ్రీవేంకటేశ్వరుని
మరిగి కొల్చిన మాకు మరి చింతలేలా
(||pallavi||)
pĕṭṭina daiva mĕrum̐gu bīragāyaloni sikku
diṭṭa kūḽaprāṇulamai tirugudam̐ gāgā
(||pĕṭṭi||)
kāyamu mosi puṭṭi karmamuna kŏḍigaṭṭi
royam̐bode meniloni rom̐ta voyīnā
pāyabuvalam̐ dagili pābabuṇyamulam̐ jikki
tīyam̐bode vachchunā tĕgarāni baṁdhamu
(||pĕṭṭi||)
jagamulom̐ gaḍuvaḍi saṁsāraduḥkhamaṁdi
nagam̐bodem̐ gŏṁtainā navvu vachchīnā
siguruḍāsam̐ dagili siṁtājaladhim̐ baḍi
yĕgadigam̐ jūḍam̐bode yĕṁdugu nĕkkinadi
(||pĕṭṭi||)
paramātmu madim̐ gani bhavamulĕllam̐ gaḍasi
dharaṇi māyaladoḍi tagulunnadā
sirula miṁchinayaṭṭi śhrīveṁkaḍeśhvaruni
marigi kŏlsina māgu mari siṁtalelā