పెరుగఁ బెరుగఁ బెద్దలుగాఁగా పెనువెఱ్ఱి వట్టు బుద్ధెఱిఁగితే
(॥పల్లవి॥)
పెరుగఁ బెరుగఁ బెద్దలుగాఁగా పెనువెఱ్ఱి వట్టు బుద్ధెఱిఁగితే
మరులు మఱచితేనే యిన్నిటి గెలిచే మర్మము సుండీ జ్ఞానులకు
(॥పెరు॥)
జననమందినయప్పుడు దేహి సన్యాసికంటే నిరాభారి
తనరఁ గౌపీన కటిసూత్రముల తగులములేనిది గంబరి
తనుఁదా నెఱఁగడుయెదిరినెఱఁగఁడు తత్వధ్యానాలయనిర్మలచిత్తుఁడు
పెనఁగేకోరిక యించుకంత లేదు పేరులేనివాడు వీడువోయమ్మా
(॥పెరు॥)
నిద్దురవొయ్యేటి యప్పుడుదేహి నిత్యవిరక్తునివంటిఘనుఁడు
బుద్ధి సంసారముపై నించుకా లేదు భోగమేమీ నొల్లఁడు
వొద్దనే యేపనులకుఁ జేయఁబోఁడు వున్నలంపటాల కేమియుఁ జొరఁడు
కొద్దిలేనియాస యెందువోయనొకో కోపమేమి లేదు వీఁడివో యమ్మా
(॥పెరు॥)
హరి శరణన్న యప్పుడు దేహి అమరులకంటే కడునధికుఁడు
పరమునిహము నఱచేతిదే ప్రయాస మించుక లేదు
దురితము లేదు దుఃఖములు లేవు తోడనే వైకుంఠ మెదురుగా వచ్చు
గరిమ శ్రీవేంకటేశుఁడు వీఁడివో కానరైరిగా యిన్నాళ్లమ్మా
(||pallavi||)
pĕrugam̐ bĕrugam̐ bĕddalugām̐gā pĕnuvĕṭri vaṭṭu buddhĕṟim̐gide
marulu maṟasidene yinniḍi gĕlise marmamu suṁḍī jñānulagu
(||pĕru||)
jananamaṁdinayappuḍu dehi sanyāsigaṁṭe nirābhāri
tanaram̐ gaubīna kaḍisūtramula tagulamulenidi gaṁbari
tanum̐dā nĕṟam̐gaḍuyĕdirinĕṟam̐gam̐ḍu tatvadhyānālayanirmalasittum̐ḍu
pĕnam̐gegoriga yiṁchugaṁta ledu perulenivāḍu vīḍuvoyammā
(||pĕru||)
nidduravŏyyeḍi yappuḍudehi nityaviraktunivaṁṭighanum̐ḍu
buddhi saṁsāramubai niṁchugā ledu bhogamemī nŏllam̐ḍu
vŏddane yebanulagum̐ jeyam̐bom̐ḍu vunnalaṁpaḍāla kemiyum̐ jŏram̐ḍu
kŏddileniyāsa yĕṁduvoyanŏgo kobamemi ledu vīm̐ḍivo yammā
(||pĕru||)
hari śharaṇanna yappuḍu dehi amarulagaṁṭe kaḍunadhigum̐ḍu
paramunihamu naṟasedide prayāsa miṁchuga ledu
duridamu ledu duḥkhamulu levu toḍane vaiguṁṭha mĕdurugā vachchu
garima śhrīveṁkaḍeśhum̐ḍu vīm̐ḍivo kānarairigā yinnāḽlammā