పేరు నారాయణుఁడవు బెంబాడిచేఁతలు నీవి
(॥పల్లవి॥)
పేరు నారాయణుఁడవు బెంబాడిచేఁతలు నీవి
నోరు మూసుకున్నఁ బోదు నున్నని నీ సుద్దులు
(॥పేరు॥)
వేసులు మాకుఁ జెప్పె విన భారతముగాఁగ
మోస నీపాలముచ్చిమి మొదలుగాను
రాసికెక్క శుకుఁడు రవ్వగాఁ బొగడఁ జొచ్చె
ఆసలఁ బరకాంతల నంటిన నీసుద్దులు
(॥పేరు॥)
రంతున వాల్మీకి చెప్పె రామాయణము గాను
సంతగాఁ దాటకాదులఁ జంపినదెల్లా
అంతకముందె నారదుఁడవి దండెమీటి చెప్పె
యింతటా వేఁటాడి జీవహింసలు సేసినది
(॥పేరు॥)
వేడుక నజుఁడు చెప్పె వేదముగా నీవు దొల్లి
వోడక మీనై కొన్నాళ్లుండితివంటా
తోడనే సప్తరుషులు తొల్లియునుఁ జెప్పిరదె
యీడనే శ్రీవేంకటాద్రి నిరవైతి వనుచు
(||pallavi||)
peru nārāyaṇum̐ḍavu bĕṁbāḍisem̐talu nīvi
noru mūsugunnam̐ bodu nunnani nī suddulu
(||peru||)
vesulu māgum̐ jĕppĕ vina bhāradamugām̐ga
mosa nībālamuchchimi mŏdalugānu
rāsigĕkka śhugum̐ḍu ravvagām̐ bŏgaḍam̐ jŏchchĕ
āsalam̐ baragāṁtala naṁṭina nīsuddulu
(||peru||)
raṁtuna vālmīgi sĕppĕ rāmāyaṇamu gānu
saṁtagām̐ dāḍagādulam̐ jaṁpinadĕllā
aṁtagamuṁdĕ nāradum̐ḍavi daṁḍĕmīḍi sĕppĕ
yiṁtaḍā vem̐ṭāḍi jīvahiṁsalu sesinadi
(||peru||)
veḍuga najum̐ḍu sĕppĕ vedamugā nīvu dŏlli
voḍaga mīnai kŏnnāḽluṁḍidivaṁṭā
toḍane saptaruṣhulu tŏlliyunum̐ jĕppiradĕ
yīḍane śhrīveṁkaḍādri niravaidi vanusu