పేరు కుచ్చి యాతనితో పిలిపించుకోవలెనా
(॥పల్లవి॥)
పేరు కుచ్చి యాతనితో పిలిపించుకోవలెనా
చేరి వీడెమియ్యఁగదే సిగ్గులింకా నేఁటికి
(॥పరు॥)
సరి నీవు నవ్వితేనే సరసానఁ బైకొంట
యిరవుగాఁ జూచితేనే యియ్యకొనుట
గరిమ మాటాడితేనే కంకణము గట్టుకొంట
సరుగ రావే యేల జాగులు సేసేవు
(॥పరు॥)
చేరి తిట్టినపుడే చేఁతలకు లోనౌట
సారెఁ బయ్యద మూయుటే చవి రేఁచుట
కోరఁగా నానవెట్టుట గోరికొనకు లోనౌట
కూరిమి చేకొని రావే గుట్టింతచూపక
(॥పరు॥)
యెదురెదురనుంటేనే యిచ్చల సేసవెట్టుట
యిదె చెక్కుచేయంటితే నింపు చల్లుట
అదిన శ్రీవేంకటేశుఁడాతఁడు తా నిన్నుఁగూడె
చెదరకిట్ల రావే చెప్పించుకొనక
(||pallavi||)
peru kuchchi yādanido pilibiṁchugovalĕnā
seri vīḍĕmiyyam̐gade sigguliṁkā nem̐ṭigi
(||paru||)
sari nīvu navvidene sarasānam̐ baigŏṁṭa
yiravugām̐ jūsidene yiyyagŏnuḍa
garima māḍāḍidene kaṁkaṇamu gaṭṭugŏṁṭa
saruga rāve yela jāgulu sesevu
(||paru||)
seri tiṭṭinabuḍe sem̐talagu lonauḍa
sārĕm̐ bayyada mūyuḍe savi rem̐suḍa
koram̐gā nānavĕṭṭuḍa gorigŏnagu lonauḍa
kūrimi segŏni rāve guṭṭiṁtasūbaga
(||paru||)
yĕdurĕduranuṁṭene yichchala sesavĕṭṭuḍa
yidĕ sĕkkuseyaṁṭide niṁpu salluḍa
adina śhrīveṁkaḍeśhum̐ḍādam̐ḍu tā ninnum̐gūḍĕ
sĕdaragiṭla rāve sĕppiṁchugŏnaga