(॥పల్లవి॥)
పెరిగినాఁడు చూడరో పెద్దహనుమంతుఁడు
పరగి నానావిద్యల బలవంతుఁడు
(॥పెరిగి॥)
రక్కసుల పాలికి రణరంగ శూరుఁడు
వెక్కసపు యేకాంగ వీరుఁడు
దిక్కులకు సంజీవి దెచ్చిన ధీరుఁడు
అక్కజమైనట్టి యాకారుఁడు
(॥పెరిగి॥)
లలి మీరిన యట్టి లావుల భీముఁడు
బలు కపికుల సార్వభౌముఁడు
నెలకొన్న లంకానిర్ధూమధాముఁడు
తలంపున రామునాత్మారాముఁడు
(॥పెరిగి॥)
దేవకార్యముల దిక్కు వరేణ్యుఁడు
భావింపఁగఁ దపః ఫల పుణ్యుఁడు
శ్రీ వేంకటేశ్వరు సేవాగ్రగణ్యుఁడు
సావధానుఁడు సర్వ శరణ్యుఁడు
(||pallavi||)
pĕriginām̐ḍu sūḍaro pĕddahanumaṁtum̐ḍu
paragi nānāvidyala balavaṁtum̐ḍu
(||pĕrigi||)
rakkasula pāligi raṇaraṁga śhūrum̐ḍu
vĕkkasabu yegāṁga vīrum̐ḍu
dikkulagu saṁjīvi dĕchchina dhīrum̐ḍu
akkajamainaṭṭi yāgārum̐ḍu
(||pĕrigi||)
lali mīrina yaṭṭi lāvula bhīmum̐ḍu
balu kabigula sārvabhaumum̐ḍu
nĕlagŏnna laṁkānirdhūmadhāmum̐ḍu
talaṁpuna rāmunātmārāmum̐ḍu
(||pĕrigi||)
devagāryamula dikku vareṇyum̐ḍu
bhāviṁpam̐gam̐ dabaḥ phala puṇyum̐ḍu
śhrī veṁkaḍeśhvaru sevāgragaṇyum̐ḍu
sāvadhānum̐ḍu sarva śharaṇyum̐ḍu