పెంచి తమ పెట్టుఁ జెట్టు పెరికివేయ రెవ్వరు
(॥పల్లవి॥)
పెంచి తమ పెట్టుఁ జెట్టు పెరికివేయ రెవ్వరు
మంచివాఁడఁ గాకున్న మన్నించకుండేవా
(॥పెంచి॥)
తెరువు దప్పి యడవిఁ దిరిగేటివారిఁ దెచ్చి
తెరువునఁ బెట్టుదురు తెలిసినవారలు
నరుఁడనై నేరక నడిచేటి నన్ను నీవు
మరిగించి కావక మానవచ్చునా
(॥పెంచి॥)
దిక్కుమాలినట్టివారిఁ దెచ్చి దయగలవారు
దిక్కయి కాతురు వారి దిగఁదోయరు
తక్కక మాయలోఁ బడి దరిదాపు లేని నన్ను
వెక్కసాన రక్షించక విడిచేవా నీవు
(॥పెంచి॥)
ఆవల భయపడ్డవా రంగడిఁ బడితే దొర-
లోపల విచారించి వూరడింతు రంతలోనే
శ్రీవేంకటేశ నీవు సృష్టికల్లా నేలికవు
వేవేలు మా మొర నీవు విచారించకుండేవా
(||pallavi||)
pĕṁchi tama pĕṭṭum̐ jĕṭṭu pĕrigiveya rĕvvaru
maṁchivām̐ḍam̐ gāgunna manniṁchaguṁḍevā
(||pĕṁchi||)
tĕruvu dappi yaḍavim̐ dirigeḍivārim̐ dĕchchi
tĕruvunam̐ bĕṭṭuduru tĕlisinavāralu
narum̐ḍanai neraga naḍiseḍi nannu nīvu
marigiṁchi kāvaga mānavachchunā
(||pĕṁchi||)
dikkumālinaṭṭivārim̐ dĕchchi dayagalavāru
dikkayi kāduru vāri digam̐doyaru
takkaga māyalom̐ baḍi daridābu leni nannu
vĕkkasāna rakṣhiṁchaga viḍisevā nīvu
(||pĕṁchi||)
āvala bhayabaḍḍavā raṁgaḍim̐ baḍide dŏra-
lobala visāriṁchi vūraḍiṁtu raṁtalone
śhrīveṁkaḍeśha nīvu sṛṣhṭigallā neligavu
vevelu mā mŏra nīvu visāriṁchaguṁḍevā