పట్టిన చలములేలే పైపై నాతనితోడ
(॥పల్లవి॥)
పట్టిన చలములేలే పైపై నాతనితోడ
వొట్టుక పంతమిప్పించె వువిదచేఁ జాలదా
(॥పట్టి॥)
వెంగెము లాడకువే విభుఁడు నీసవతైన
అంగననీడకుఁ దెచ్చె నదిచాలదా
కంగువెట్టుకోకువే కమ్మనిపూవులచెండు
కుంగరాల వేళ్ళచేత నొగ్గింపించెఁ జాలదా
(॥పట్టి॥)
చలము సాదించకువే సవతిని నాయకుఁడు
అలరి నీచేతి కిచ్చె నదిచాలదా
బలిమి సేయకువే ప్రాణేశ్వరుఁడు ఆపెఁ
గొలువులోఁ బెట్టి నినుఁ గొసరించెఁ జాలదా
(॥పట్టి॥)
చేపట్టి బిగియకువే శ్రీ వెంకటేశుఁడు నిన్ను
ఆపెచేతఁ బొగడించె నదిచాలదా
రాఁపులిఁకఁ జేయకువే రతికేలిలోపలను
మోపుగట్టించె వలపు ముదితచేఁ జాలదా
(||pallavi||)
paṭṭina salamulele paibai nādanidoḍa
vŏṭṭuga paṁtamippiṁchĕ vuvidasem̐ jāladā
(||paṭṭi||)
vĕṁgĕmu lāḍaguve vibhum̐ḍu nīsavadaina
aṁgananīḍagum̐ dĕchchĕ nadisāladā
kaṁguvĕṭṭugoguve kammanibūvulasĕṁḍu
kuṁgarāla veḽḽaseda nŏggiṁpiṁchĕm̐ jāladā
(||paṭṭi||)
salamu sādiṁchaguve savadini nāyagum̐ḍu
alari nīsedi kichchĕ nadisāladā
balimi seyaguve prāṇeśhvarum̐ḍu ābĕm̐
gŏluvulom̐ bĕṭṭi ninum̐ gŏsariṁchĕm̐ jāladā
(||paṭṭi||)
sebaṭṭi bigiyaguve śhrī vĕṁkaḍeśhum̐ḍu ninnu
ābĕsedam̐ bŏgaḍiṁchĕ nadisāladā
rām̐pulim̐kam̐ jeyaguve radigelilobalanu
mobugaṭṭiṁchĕ valabu mudidasem̐ jāladā