(॥పల్లవి॥)
పట్టి పిసుక నిఁక బనిలేదు
గుట్టు దెలిసితే గులగులలు
(॥పట్టి॥)
ఆలకించితే నంతా హేయమె
సోలి భోగములు సుజ్ఞానికి
మేలు దెలుసుకొని మెచ్చెదమంటే
నాలికెఁ గడచితే నరకములు
(॥పట్టి॥)
యెంచి చూచితే నింతా నెరవె
పొంచి ప్రపంచము పుణ్యునికి
దించక తిరిగే తిమ్మటలన్నియు
అంచల వెఱ్ఱుల అలమటలు
(॥పట్టి॥)
పట్టినదెల్లా బ్రహ్మానందమె
గట్టిగ శరణాగతునికిని
యిట్టె శ్రీవేంకటేశు కరుణ నిఁక
పుట్టినప్పుడే భోగ్యములు
(||pallavi||)
paṭṭi pisuga nim̐ka baniledu
guṭṭu dĕliside gulagulalu
(||paṭṭi||)
ālagiṁchide naṁtā heyamĕ
soli bhogamulu sujñānigi
melu dĕlusugŏni mĕchchĕdamaṁṭe
nāligĕm̐ gaḍaside naragamulu
(||paṭṭi||)
yĕṁchi sūside niṁtā nĕravĕ
pŏṁchi prabaṁchamu puṇyunigi
diṁchaga tirige timmaḍalanniyu
aṁchala vĕṭrula alamaḍalu
(||paṭṭi||)
paṭṭinadĕllā brahmānaṁdamĕ
gaṭṭiga śharaṇāgadunigini
yiṭṭĕ śhrīveṁkaḍeśhu karuṇa nim̐ka
puṭṭinappuḍe bhogyamulu