(॥పల్లవి॥)
పట్టలేని మన భ్రమగాక
నెట్టనఁ దాఁ గరుణించనివాఁడా
(॥పట్ట॥)
హితప్రవర్తకుఁ డీశ్వరుఁడు
తతి నంతరాత్మ తాఁ గాన
రతి నాతని దూరఁగనేలా
గతియని తలఁచిన కావనివాఁడా
(॥పట్ట॥)
తెగని బంధువుఁడు దేవుఁడు
బగివాయఁ డిహముఁ బరమునను
అగపడి సందేహములేలా
తగ నమ్మిన దయదలఁచనివాఁడా
(॥పట్ట॥)
హృదయము శ్రీవేంకటేశ్వరుఁడు
మెదలనే ఆనందమూర్తిగన
కదిసి వెలిని వెదకఁగనేలా
యెదురఁ గనిన వరమియ్యనివాఁడా
(||pallavi||)
paṭṭaleni mana bhramagāga
nĕṭṭanam̐ dām̐ garuṇiṁchanivām̐ḍā
(||paṭṭa||)
hidapravardagum̐ ḍīśhvarum̐ḍu
tadi naṁtarātma tām̐ gāna
radi nādani dūram̐ganelā
gadiyani talam̐sina kāvanivām̐ḍā
(||paṭṭa||)
tĕgani baṁdhuvum̐ḍu devum̐ḍu
bagivāyam̐ ḍihamum̐ baramunanu
agabaḍi saṁdehamulelā
taga nammina dayadalam̐sanivām̐ḍā
(||paṭṭa||)
hṛdayamu śhrīveṁkaḍeśhvarum̐ḍu
mĕdalane ānaṁdamūrdigana
kadisi vĕlini vĕdagam̐ganelā
yĕduram̐ ganina varamiyyanivām̐ḍā