పట్టకు పట్టకు నీ పాదాలకు నే మొక్కేను
(॥పల్లవి॥)
పట్టకు పట్టకు నీ పాదాలకు నే మొక్కేను
జట్టి గొన్న నీ మేలుకు సంతోసించుకొంటిని
(॥పట్ట॥)
యీవేళ నీ చెక్కు నొక్కి యెంతేసి వేఁడుకొనేవు
నీవు నన్ను మన్నించేది నే నెరఁగనా
ఆవటించి నాపై యాన లదేల పెట్టుకొనేవు
చేవదేరే నీ వలపు చిత్తజుఁ డెరఁగఁడా
(॥పట్ట॥)
కుచ్చి కాఁగిలించి నన్ను కోరి యెంత లాలించేవు
మచ్చి నీ మన్ననలు మఱచితినా
తచ్చి తచ్చి వూరివారి దారుకాణించ నేఁటికి
ముచ్చట నీ వోజలు మొగాన గానరాదా
(॥పట్ట॥)
వెలయ నీ మోవితేనె విందు లెంత వెట్టేవు
కలకాలము నీ పొందు కాణాచికాదా
యిలలో శ్రీవేంకటేశ యిన్నిటా నన్నేలితివి
వెలసిన నీ గుణాలు వినయాలేకావా
(||pallavi||)
paṭṭagu paṭṭagu nī pādālagu ne mŏkkenu
jaṭṭi gŏnna nī melugu saṁtosiṁchugŏṁṭini
(||paṭṭa||)
yīveḽa nī sĕkku nŏkki yĕṁtesi vem̐ḍugŏnevu
nīvu nannu manniṁchedi ne nĕram̐ganā
āvaḍiṁchi nābai yāna ladela pĕṭṭugŏnevu
sevadere nī valabu sittajum̐ ḍĕram̐gam̐ḍā
(||paṭṭa||)
kuchchi kām̐giliṁchi nannu kori yĕṁta lāliṁchevu
machchi nī mannanalu maṟasidinā
tachchi tachchi vūrivāri dārugāṇiṁcha nem̐ṭigi
muchchaḍa nī vojalu mŏgāna gānarādā
(||paṭṭa||)
vĕlaya nī movidenĕ viṁdu lĕṁta vĕṭṭevu
kalagālamu nī pŏṁdu kāṇāsigādā
yilalo śhrīveṁkaḍeśha yinniḍā nannelidivi
vĕlasina nī guṇālu vinayālegāvā