పసిఁడి యక్షంతలివె పట్టరో వేగమే రారో
(॥పల్లవి॥)
పసిఁడి యక్షంతలివె పట్టరో వేగమే రారో
దెసలఁ బేరటాండ్లు దేవుని పెండ్లికిని
(॥పసిఁ॥)
శ్రీవేంకటేశ్వరునికి శ్రీమహాలక్ష్మికి
దైవికపుఁ బెండ్లిముహూర్తము నేఁడు
కావించి భేరులు మ్రోసె గరుడధ్వజంబెక్కె
దేవతలు రారో దేవుని పెండ్లికిని
(॥పసిఁ॥)
కందర్పజనకునికిఁ గమలాదేవికిఁ బెండ్లి
పందిలిలోపలఁ దలఁబ్రాలు నేఁడు
గందమూ విడెమిచ్చేరు కలువడాలు గట్టిరి
అందుక మునులు రారో హరి పెండ్లికిని
(॥పసిఁ॥)
అదె శ్రీవేంకటపతి కలమేలుమంగకును
మొదలి తిరుణాళ్లకు మొక్కేము నేఁడు
యెదుట నేఁగేరు వీరె యిచ్చేరు వరములివె
కదలి రారో పరుష ఘనుల పెండ్లికిని
(||pallavi||)
pasim̐ḍi yakṣhaṁtalivĕ paṭṭaro vegame rāro
dĕsalam̐ beraḍāṁḍlu devuni pĕṁḍligini
(||pasim̐||)
śhrīveṁkaḍeśhvarunigi śhrīmahālakṣhmigi
daivigabum̐ bĕṁḍlimuhūrdamu nem̐ḍu
kāviṁchi bherulu mrosĕ garuḍadhvajaṁbĕkkĕ
devadalu rāro devuni pĕṁḍligini
(||pasim̐||)
kaṁdarbajanagunigim̐ gamalādevigim̐ bĕṁḍli
paṁdililobalam̐ dalam̐brālu nem̐ḍu
gaṁdamū viḍĕmichcheru kaluvaḍālu gaṭṭiri
aṁduga munulu rāro hari pĕṁḍligini
(||pasim̐||)
adĕ śhrīveṁkaḍabadi kalamelumaṁgagunu
mŏdali tiruṇāḽlagu mŏkkemu nem̐ḍu
yĕduḍa nem̐geru vīrĕ yichcheru varamulivĕ
kadali rāro paruṣha ghanula pĕṁḍligini