(॥పల్లవి॥)
పసలేని యీబ్రదుకు
అసలు చొచ్చిచొచ్చి అలసినట్టాయె
(॥పస॥)
తొల్లిటిజన్మాదులఁ గానినరరూపు
పల్లించుకొన్న యీబ్రదుకు
కల్లసుఖములచే కనలి కమ్మర
ముల్లుదీసి కొఱ్ఱు మొత్తినట్టాయ
(॥పస॥)
బూటకములనెల్లఁ బొరలి సంసారంపు-
పాటు దెచ్చినయీబ్రదుకు
నీటుగ నెద్దు దన్నీనని గుఱ్ఱము -
చాటు కేఁగినయట్టిచందమాయె
(॥పస॥)
పగగొన్న పొగ కోపక మంటఁ బడిపడి
పగలు రేలైనయీబ్రదుకు
తగువేంకటేశ్వరుఁ దలఁచి నేల నుండి
యెగసి మేడమీఁది కేఁగినట్లాయె
(||pallavi||)
pasaleni yībradugu
asalu sŏchchisŏchchi alasinaṭṭāyĕ
(||pasa||)
tŏlliḍijanmādulam̐ gāninararūbu
palliṁchugŏnna yībradugu
kallasukhamulase kanali kammara
mulludīsi kŏṭru mŏttinaṭṭāya
(||pasa||)
būḍagamulanĕllam̐ bŏrali saṁsāraṁpu-
pāḍu dĕchchinayībradugu
nīḍuga nĕddu dannīnani guṭramu -
sāḍu kem̐ginayaṭṭisaṁdamāyĕ
(||pasa||)
pagagŏnna pŏga kobaga maṁṭam̐ baḍibaḍi
pagalu relainayībradugu
taguveṁkaḍeśhvarum̐ dalam̐si nela nuṁḍi
yĕgasi meḍamīm̐di kem̐ginaṭlāyĕ