(॥పల్లవి॥)
పరుసము సోఁకక పసిఁడౌనా
పురుషోత్తముఁడే బుద్ధిచ్చుఁ గాక
(॥పరు॥)
భువి భోగములకుఁ బుట్టిన దేహము
వివరపు మోక్షము వెదకీనా
యివల సకలమును యేలేటి దేవుఁడు
తవిలి రక్షింపుట ధర్మముఁ గాక
(॥పరు॥)
బెరసి యాసలనే పెరిగేటి దేహము
ధరఁ గొంతయినాఁ దనిసీనా
అరుదుగ నంతర్యామగు దేవుఁడు
పొరిఁ బెర రేఁచుటే పొందౌఁ గాక
(॥పరు॥)
ఘనమగు సంసారకారణ జీవుఁడు
తన సుజ్ఞానముఁ దలఁచీనా
వెనక మునుప శ్రీవేంకటపతియే
కనుఁగొని మమ్మిటు కాచుటఁ గాక
(||pallavi||)
parusamu som̐kaga pasim̐ḍaunā
puruṣhottamum̐ḍe buddhichchum̐ gāga
(||paru||)
bhuvi bhogamulagum̐ buṭṭina dehamu
vivarabu mokṣhamu vĕdagīnā
yivala sagalamunu yeleḍi devum̐ḍu
tavili rakṣhiṁpuḍa dharmamum̐ gāga
(||paru||)
bĕrasi yāsalane pĕrigeḍi dehamu
dharam̐ gŏṁtayinām̐ danisīnā
aruduga naṁtaryāmagu devum̐ḍu
pŏrim̐ bĕra rem̐suḍe pŏṁdaum̐ gāga
(||paru||)
ghanamagu saṁsāragāraṇa jīvum̐ḍu
tana sujñānamum̐ dalam̐sīnā
vĕnaga munuba śhrīveṁkaḍabadiye
kanum̐gŏni mammiḍu kāsuḍam̐ gāga