(॥పల్లవి॥)
పరులకైతే నిదే పాపము గాదా
పురిగొని నీవంకఁ బుణ్యమాయఁ గాక
(॥పరు॥)
పరమపురుష నీవు పట్టినదే ధర్మము
అరసి నీవు చెల్లించినదే సత్యము
ధరలోన నీరెంటికి తండ్రితో విరోధించఁగ
దొరసి ప్రహ్లాదునకు దోడైనదే గురుతు
(॥పరు॥)
నారాయణుఁడ నీవు నడిపినదే తగవు
ఆరూఢి నీ వౌన్ననదే ఆచారము
సారెకుఁ దమయన్నతో చండిపడి పెనగఁగ
కోరి సుగ్రీవు వహించుకొన్నదే గురుతు
(॥పరు॥)
శ్రీవేంకటేశ నీవు చేసినదే నీతి
చేవతో నీ వొడఁబరచినదే మాట
కావించి తాతతోఁ బోరఁగా నీవు చక్రమెత్తి
ఆవేళ నడ్డమైనందుకు అర్జునుఁడే గురుతు
(||pallavi||)
parulagaide nide pābamu gādā
purigŏni nīvaṁkam̐ buṇyamāyam̐ gāga
(||paru||)
paramaburuṣha nīvu paṭṭinade dharmamu
arasi nīvu sĕlliṁchinade satyamu
dharalona nīrĕṁṭigi taṁḍrido virodhiṁcham̐ga
dŏrasi prahlādunagu doḍainade gurudu
(||paru||)
nārāyaṇum̐ḍa nīvu naḍibinade tagavu
ārūḍhi nī vaunnanade āsāramu
sārĕgum̐ damayannado saṁḍibaḍi pĕnagam̐ga
kori sugrīvu vahiṁchugŏnnade gurudu
(||paru||)
śhrīveṁkaḍeśha nīvu sesinade nīdi
sevado nī vŏḍam̐barasinade māḍa
kāviṁchi tādadom̐ boram̐gā nīvu sakramĕtti
āveḽa naḍḍamainaṁdugu arjunum̐ḍe gurudu