పరిణామమే మాకుఁ బతివి నీవు గలుగ
(॥పల్లవి॥)
పరిణామమే మాకుఁ బతివి నీవు గలుగ
శరణాగతే మాకు సకలరక్షయ్యా
(॥పరి॥)
నుదుట వ్రాసిన వ్రాఁత నూఁటికి నీ తిరుమణి
యెదురేది మాకు నేఁడు యేఁడులోకాల
పెదవి మీఁదటి తేనె పేరుకొనే నీ జపము
అదన మాకు నదివో అక్కరలేదయ్యా
(॥పరి॥)
చేతికి వచ్చిన సొమ్ము చేరె నీ శంఖుచక్రాలు
ఘాతల మా కిఁక నేది గడమ లేదు
నీతితో వెనుబలము నీ దాసుల సేవ
రాతిరిఁబగలు నిదె రాజుల మోయయ్యా
(॥పరి॥)
తొల్లిఁటి పుణ్యఫలముతోడనే నీ సంకీర్తన
తల్లిదండ్రి నీవు నీ తరుణియును
యెల్లగా శ్రీవేంకటేశ యిన్నియుఁ గలిగె మాకు
చల్లఁగా బ్రతికితిమి జయ మందవయ్యా
(||pallavi||)
pariṇāmame māgum̐ badivi nīvu galuga
śharaṇāgade māgu sagalarakṣhayyā
(||pari||)
nuduḍa vrāsina vrām̐ta nūm̐ṭigi nī tirumaṇi
yĕduredi māgu nem̐ḍu yem̐ḍulogāla
pĕdavi mīm̐daḍi tenĕ perugŏne nī jabamu
adana māgu nadivo akkaraledayyā
(||pari||)
sedigi vachchina sŏmmu serĕ nī śhaṁkhusakrālu
ghādala mā kim̐ka nedi gaḍama ledu
nīdido vĕnubalamu nī dāsula seva
rādirim̐bagalu nidĕ rājula moyayyā
(||pari||)
tŏllim̐ṭi puṇyaphalamudoḍane nī saṁkīrdana
tallidaṁḍri nīvu nī taruṇiyunu
yĕllagā śhrīveṁkaḍeśha yinniyum̐ galigĕ māgu
sallam̐gā bradigidimi jaya maṁdavayyā