(॥పల్లవి॥)
పరమోపకారులు ప్రత్యక్షదైవములు
హరిదాసు లిత్తురు బ్రహ్మానందసుఖము
(॥పర॥)
పాపుదురు లోకములో పాపపంకమెల్లాను
దీపించ శ్రీపాదతీర్థమున
వోపుదురు హీనుల వున్నతులఁగాఁ జేయ
చేపట్టి కన్నులెదుటిసేవామాత్రమున
(॥పర॥)
చెఱుతు రజ్ఞానమెల్లా జనులు తమ్ముఁజేరిన
మఱియుఁ దమప్రసాదమహిమవల్ల
తెఱచిత్తురు మోక్షము తెరువు ప్రాణులకెల్లా
మొఱఁగి మూలనుండి మొక్కినమాత్రమున
(॥పర॥)
చెల్లఁబెట్టుదు రెందైనా చిల్లరకులమువారి
తెల్లమిగా మంత్రోపదేశమున
యిల్లిదె శ్రీ వేంకటేశ యెక్కుడుసేసిరి మమ్ము
సల్లాపనల తమసహవాసములను
(||pallavi||)
paramobagārulu pratyakṣhadaivamulu
haridāsu litturu brahmānaṁdasukhamu
(||para||)
pābuduru logamulo pābabaṁkamĕllānu
dībiṁcha śhrībādadīrdhamuna
vobuduru hīnula vunnadulam̐gām̐ jeya
sebaṭṭi kannulĕduḍisevāmātramuna
(||para||)
sĕṟudu rajñānamĕllā janulu tammum̐jerina
maṟiyum̐ damaprasādamahimavalla
tĕṟasitturu mokṣhamu tĕruvu prāṇulagĕllā
mŏṟam̐gi mūlanuṁḍi mŏkkinamātramuna
(||para||)
sĕllam̐bĕṭṭudu rĕṁdainā sillaragulamuvāri
tĕllamigā maṁtrobadeśhamuna
yillidĕ śhrī veṁkaḍeśha yĕkkuḍusesiri mammu
sallābanala tamasahavāsamulanu