(॥పల్లవి॥)
పరమయోగీశ్వరుల పద్ధతి యిది
ధరణిలో వివేకులు దలపోసుకొనుట
(॥పర॥)
మొదల నాత్మజ్ఞానము దెలిసి పిమ్మట
హృదయములోని హరి నెరుఁగుట
వుదుటైన యింద్రియాల నొడిసి పంచుకొనుట
గుదిగొన్నతనలో కోరికె లుడుగుట
(॥పర॥)
తన పుణ్యఫలములు దైవము కొసగుట
పనివడి యతనిపై భక్తిచేసుట
తనివితో నిరంతర ధ్యానయోగపరుఁడౌట
మనసులోఁ బ్రకృతిసమ్మంధము మరచుట
(॥పర॥)
నడుమ నడుమ విజ్ఞానపు కథలు వినుట
చిడుముడి నాచార్యసేవసేయుట
యెడయక శ్రీవేంకటేశుపై భారమువేసి
కడు వైష్ణవుల కృప గలిగి సుఖించుట
(||pallavi||)
paramayogīśhvarula paddhadi yidi
dharaṇilo vivegulu dalabosugŏnuḍa
(||para||)
mŏdala nātmajñānamu dĕlisi pimmaḍa
hṛdayamuloni hari nĕrum̐guḍa
vuduḍaina yiṁdriyāla nŏḍisi paṁchugŏnuḍa
gudigŏnnadanalo korigĕ luḍuguḍa
(||para||)
tana puṇyaphalamulu daivamu kŏsaguḍa
panivaḍi yadanibai bhaktisesuḍa
tanivido niraṁtara dhyānayogabarum̐ḍauḍa
manasulom̐ brakṛtisammaṁdhamu marasuḍa
(||para||)
naḍuma naḍuma vijñānabu kathalu vinuḍa
siḍumuḍi nāsāryasevaseyuḍa
yĕḍayaga śhrīveṁkaḍeśhubai bhāramuvesi
kaḍu vaiṣhṇavula kṛpa galigi sukhiṁchuḍa