(॥పల్లవి॥)
పరమలాభము శ్రీపతిభక్తి యుండఁగాను
యిరవైన యెఱుక లే దెవ్వరి నష్టి యయ్యా
(॥పరమ॥)
జడియ కప్పుడు సంసారజలధిలోన
వొడ లనియేటి పెద్దవోడ యెక్కి
బడిబడి సరకుగా పాపపుణ్యములు నించి
యెడతాఁకేరు జీవులు యిందుల కందులకు
(॥పరమ॥)
మదమచ్చరములనే మకరమీనములఁదోని
వెదకి వూరుపుగాలి విసరంగాను
పదియైన యింద్రియ పరివారము దొడుక
పొదిగి కోర్కులు గూడపోనేరు జీవులు
(॥పరమ॥)
మనసనియేటి మంచి మాలిమి నడపఁగాను
ఘనయహంకారమను కంబమెత్తి
మనుపు శ్రీవేంకటేశు మాయ చాపగా నెత్తి
తనియక చేరమునిఁ దగిలేరు జీవులూ
(||pallavi||)
paramalābhamu śhrībadibhakti yuṁḍam̐gānu
yiravaina yĕṟuga le dĕvvari naṣhṭi yayyā
(||parama||)
jaḍiya kappuḍu saṁsārajaladhilona
vŏḍa laniyeḍi pĕddavoḍa yĕkki
baḍibaḍi saragugā pābabuṇyamulu niṁchi
yĕḍadām̐keru jīvulu yiṁdula kaṁdulagu
(||parama||)
madamachcharamulane magaramīnamulam̐doni
vĕdagi vūrubugāli visaraṁgānu
padiyaina yiṁdriya parivāramu dŏḍuga
pŏdigi korgulu gūḍaboneru jīvulu
(||parama||)
manasaniyeḍi maṁchi mālimi naḍabam̐gānu
ghanayahaṁkāramanu kaṁbamĕtti
manubu śhrīveṁkaḍeśhu māya sābagā nĕtti
taniyaga seramunim̐ dagileru jīvulū