(॥పల్లవి॥)
పరమపురుషుఁడు గోపాలబాలుఁ డైనాఁడు
మురహరుఁడు యెదుట ముద్దుగారీ నిదివో
(॥॥)
వేదపురాణములలో విహరించే దేవుఁడు
ఆది మూలమైనట్టి అలబ్రహ్మము
శ్రీ దేవి పాలిటఁ జెలఁగే నిధానము
సేద దేరి యశోదకు శిశువాయ నిధివో
(॥॥)
మొక్కేటి నారదాదుల ముందరి సాకారము
అక్కజపు జీవులలో అంతర్యామి
గక్కన బ్రహ్మ గొడుకుఁగాఁ గన్న పరమము
అక్కరతో వెన్నముచ్చై యాటలాడీ నిదివో
(॥॥)
దేవతలఁ గాచుటకు దిక్కయిన విష్ణుఁడు
భావము లొక్కరూపైన భావతత్త్వము
శ్రీ వేంకటాద్రి మీఁద జేరున్న యా వరదుఁడు
కైవసమై గొల్లెతల కౌఁగిళ్ళ నిదివో
(||pallavi||)
paramaburuṣhum̐ḍu gobālabālum̐ ḍainām̐ḍu
muraharum̐ḍu yĕduḍa muddugārī nidivo
(||||)
vedaburāṇamulalo vihariṁche devum̐ḍu
ādi mūlamainaṭṭi alabrahmamu
śhrī devi pāliḍam̐ jĕlam̐ge nidhānamu
seda deri yaśhodagu śhiśhuvāya nidhivo
(||||)
mŏkkeḍi nāradādula muṁdari sāgāramu
akkajabu jīvulalo aṁtaryāmi
gakkana brahma gŏḍugum̐gām̐ ganna paramamu
akkarado vĕnnamuchchai yāḍalāḍī nidivo
(||||)
devadalam̐ gāsuḍagu dikkayina viṣhṇum̐ḍu
bhāvamu lŏkkarūbaina bhāvadattvamu
śhrī veṁkaḍādri mīm̐da jerunna yā varadum̐ḍu
kaivasamai gŏllĕdala kaum̐giḽḽa nidivo