(॥పల్లవి॥)
పరమపురుషుఁ డీబాలుఁడట
హర విరుంచులు మొక్కేరదివో వాకిటను
(॥పర॥)
దేవుఁడితఁడు సర్వదేవతల కొడయఁడు
వేవేలు వేదములచే వేద్యుఁడితఁడు
దేవకీదేవికి వసుదేవునికిఁ గొడుకాయ
యీవిధము నోఁచిరి వీరెంత భాగ్యవంతులో
(॥పర॥)
అంతటాఁ దానున్నవాఁడు అరయ స్వతంత్రుఁడు
అంతయు నాదియులేని ఆదిమూరితి
వంతుకు యశోదకు నవ్వల నందగోపునికి
దొంతరకొడుకైనాఁడు తొల్లి వీరే పుణ్యులో
(॥పర॥)
ఇందిరావల్లభుఁడు ఇహపరనాయకుఁడు
కందువ శ్రీవేంకటాద్రిఁ గాపున్నవాఁడు
మందగొల్లెతలకెల్ల మరఁది దానైనాఁడు
ఇందరు నిందరే వీరి కెన్నటి సంబంధమో
(||pallavi||)
paramaburuṣhum̐ ḍībālum̐ḍaḍa
hara viruṁchulu mŏkkeradivo vāgiḍanu
(||para||)
devum̐ḍidam̐ḍu sarvadevadala kŏḍayam̐ḍu
vevelu vedamulase vedyum̐ḍidam̐ḍu
devagīdevigi vasudevunigim̐ gŏḍugāya
yīvidhamu nom̐siri vīrĕṁta bhāgyavaṁtulo
(||para||)
aṁtaḍām̐ dānunnavām̐ḍu araya svadaṁtrum̐ḍu
aṁtayu nādiyuleni ādimūridi
vaṁtugu yaśhodagu navvala naṁdagobunigi
dŏṁtaragŏḍugainām̐ḍu tŏlli vīre puṇyulo
(||para||)
iṁdirāvallabhum̐ḍu ihabaranāyagum̐ḍu
kaṁduva śhrīveṁkaḍādrim̐ gābunnavām̐ḍu
maṁdagŏllĕdalagĕlla maram̐di dānainām̐ḍu
iṁdaru niṁdare vīri kĕnnaḍi saṁbaṁdhamo