(॥పల్లవి॥)
పరమాత్ముని నోరఁబాడుచును యిరు-
దరులు గూడఁగఁ దోసి దంచీ మాయ
(॥పరమా॥)
కొలఁది బ్రహ్మాండపు కుందెనలోన
కులికి జీవులను కొలుచు నించి
కలికి దుర్మోహపు రోఁకలివేసి
తలంచి తనువులను దంచీ మాయ
(॥పరమా॥)
తొంగలి రెప్పలు రాత్రులుఁ బగలును
సంగడి కనుఁగవ సరిఁ దిప్పుచు
చెంగలించి వెసఁ జేతులు విసరుచు
దంగుడు బియ్యముగా దంచీ మాయ
(॥పరమా॥)
అనయముఁ దిరు వేంకటాధీశ్వరుని
పనుపడి తనలోఁ బాడుచును
వొనరి విన్నాణి జీవులనెడి బియ్యము
తనర నాతనికియ్య దంచీ మాయ
(||pallavi||)
paramātmuni noram̐bāḍusunu yiru-
darulu gūḍam̐gam̐ dosi daṁchī māya
(||paramā||)
kŏlam̐di brahmāṁḍabu kuṁdĕnalona
kuligi jīvulanu kŏlusu niṁchi
kaligi durmohabu rom̐kalivesi
talaṁchi tanuvulanu daṁchī māya
(||paramā||)
tŏṁgali rĕppalu rātrulum̐ bagalunu
saṁgaḍi kanum̐gava sarim̐ dippusu
sĕṁgaliṁchi vĕsam̐ jedulu visarusu
daṁguḍu biyyamugā daṁchī māya
(||paramā||)
anayamum̐ diru veṁkaḍādhīśhvaruni
panubaḍi tanalom̐ bāḍusunu
vŏnari vinnāṇi jīvulanĕḍi biyyamu
tanara nādanigiyya daṁchī māya