పరమాత్మ నాజాడ భావించ నిట్టిది; నీవు
(॥పల్లవి॥)
పరమాత్మ నాజాడ భావించ నిట్టిది; నీవు
నిరుహేతుకాన నాకు నీవు బుద్ధియ్యఁగదె
(॥పరమాత్మ॥)
అపరాధములు పెక్కు లటు నాయందున్నఁగాని
వుపమఁ బుణ్యముత్రోవ లూహించలేను
విపరీత పాపములు వేవేలు సేసినఁగాని
చపలగర్వము మాని శరణనలేను
(॥పరమాత్మ॥)
పలులంపటాలఁ బడి బడలినఁగాని, నాకు
పలవి నిన్నుఁ దలఁచేభక్తి లేదు
పులుసు నంజినఁగాని భూమిలో మిక్కిలి తీపు
తలపోయ నోటికి నితవు గానరాదు
(॥పరమాత్మ॥)
వేవేలు నేరాలు సేసి వెరపు పుట్టినఁగాని
శ్రీవేంకటేశ నిన్నుఁ జేరదు మతి
వావిరి లోకపుమాయవలలఁ జిక్కినఁగాని
వేవేగ వెడలి ముక్తి వెదకఁడు జీవుడు
(||pallavi||)
paramātma nājāḍa bhāviṁcha niṭṭidi; nīvu
niruhedugāna nāgu nīvu buddhiyyam̐gadĕ
(||paramātma||)
abarādhamulu pĕkku laḍu nāyaṁdunnam̐gāni
vubamam̐ buṇyamutrova lūhiṁchalenu
vibarīda pābamulu vevelu sesinam̐gāni
sabalagarvamu māni śharaṇanalenu
(||paramātma||)
palulaṁpaḍālam̐ baḍi baḍalinam̐gāni, nāgu
palavi ninnum̐ dalam̐sebhakti ledu
pulusu naṁjinam̐gāni bhūmilo mikkili tību
talaboya noḍigi nidavu gānarādu
(||paramātma||)
vevelu nerālu sesi vĕrabu puṭṭinam̐gāni
śhrīveṁkaḍeśha ninnum̐ jeradu madi
vāviri logabumāyavalalam̐ jikkinam̐gāni
vevega vĕḍali mukti vĕdagam̐ḍu jīvuḍu