(॥పల్లవి॥)
పరతత్త్వం బగు బాలుఁడు
పరిపరివిధముల బాలుఁడు
(॥పరత॥)
చద్దుల మూటలు చంకల వ్రేలెడి
ముద్దుల పడుచుల మూఁకలతో
పెద్దఱికంబునఁ బేయలఁ గాచిన
బద్దుల నటనల బాలుండూ
(॥పరత॥)
వెన్నలు దాఁకఁగ వేట్లాడుచును
సన్నపు బడుచుల సంగడిని
కన్నెలు దూరఁగఁ గలకల నవ్విన
పన్నిన మాయల బాలుండు
(॥పరత॥)
బచ్చన రూపుల పాయపుఁ బడుచులు
నిచ్చలుఁ గొలువఁగ నెమ్మదిని
నచ్చిన వేంకట నగమున నాడెడి
పచ్చిల పదకపు బాలుండు
(||pallavi||)
paradattvaṁ bagu bālum̐ḍu
paribarividhamula bālum̐ḍu
(||parada||)
saddula mūḍalu saṁkala vrelĕḍi
muddula paḍusula mūm̐kalado
pĕddaṟigaṁbunam̐ beyalam̐ gāsina
baddula naḍanala bāluṁḍū
(||parada||)
vĕnnalu dām̐kam̐ga veṭlāḍusunu
sannabu baḍusula saṁgaḍini
kannĕlu dūram̐gam̐ galagala navvina
pannina māyala bāluṁḍu
(||parada||)
bachchana rūbula pāyabum̐ baḍusulu
nichchalum̐ gŏluvam̐ga nĕmmadini
nachchina veṁkaḍa nagamuna nāḍĕḍi
pachchila padagabu bāluṁḍu