పనిలేదేమియు నాకు పంపుడు నీబంట నింతే
(॥పల్లవి॥)
పనిలేదేమియు నాకు పంపుడు నీబంట నింతే
యెనపిన తెడ్డు చౌ లెరుఁగునటవయ్యా
(॥పని॥)
మనసు నీ విచ్చితివి మాఁటలు నీ విచ్చితివి
తనువు నీ విచ్చితివి యంతర్యామీ
చెనసి నీదువల్లఁ జేసేకర్మపు బంట
నినుపుఁగణఁజాల నించుకొనవయ్యా
(॥పని॥)
సత్తున నీ విచ్చితివి చలము నీ విచ్చితివి
తత్తర మిచ్చితివి యంతర్యామి
యిత్తల నావల నీవు యెందుకైనఁ బెరరేఁచి
యెత్తుక యేమైన గడియించుకొనవయ్యా
(॥పని॥)
మాయలు నీ విచ్చితివి మదము నీ విచ్చితివి
ఆయపు శ్రీ వేంకటాద్రి యంతర్యామి
యేయెడ నేఁ జేసేటి యిన్నెపరాధాలు
వేయయిన నీ వెనక వేసుకొనవయ్యా
(||pallavi||)
paniledemiyu nāgu paṁpuḍu nībaṁṭa niṁte
yĕnabina tĕḍḍu sau lĕrum̐gunaḍavayyā
(||pani||)
manasu nī vichchidivi mām̐ṭalu nī vichchidivi
tanuvu nī vichchidivi yaṁtaryāmī
sĕnasi nīduvallam̐ jesegarmabu baṁṭa
ninubum̐gaṇam̐jāla niṁchugŏnavayyā
(||pani||)
sattuna nī vichchidivi salamu nī vichchidivi
tattara michchidivi yaṁtaryāmi
yittala nāvala nīvu yĕṁdugainam̐ bĕrarem̐si
yĕttuga yemaina gaḍiyiṁchugŏnavayyā
(||pani||)
māyalu nī vichchidivi madamu nī vichchidivi
āyabu śhrī veṁkaḍādri yaṁtaryāmi
yeyĕḍa nem̐ jeseḍi yinnĕbarādhālu
veyayina nī vĕnaga vesugŏnavayyā