(॥పల్లవి॥)
పనిగొన నేర్చువారి భాగ్యముకొలఁది యిది
తనకు నెదిరికి నీ దైవమే గుఱి
(॥పని॥)
దిట్టుదిట్టేయందులకు దీవించేయందులకు
నట్టనడుమను వొక్కనాలికే గుఱి
అట్టే సంతోషమునకు నలిగివున్నందులకు
మట్టు మీఱియున్న తన మనసే గుఱి
(॥పని॥)
పాపకర్మమునకు బలుపుణ్యమునకును
దీపంచ రెంటికి నొక్క దేహమే గుఱి
వోపి కొండెము వినఁగ నొగి ధర్మము వినఁగ
యేపునఁ దమ వీనులు యివియే గుఱి
(॥పని॥)
పూవుల వాసనలకు పొంచి దుర్గంధములకు
చేవమీఱ నొక్కట నాసికమే గుఱి
శ్రీవేంకటేశు సేవించ జీవులను దర్శించ
కైవసమైయున్నతమ కన్నులే గుఱి
(||pallavi||)
panigŏna nersuvāri bhāgyamugŏlam̐di yidi
tanagu nĕdirigi nī daivame guṟi
(||pani||)
diṭṭudiṭṭeyaṁdulagu dīviṁcheyaṁdulagu
naṭṭanaḍumanu vŏkkanālige guṟi
aṭṭe saṁtoṣhamunagu naligivunnaṁdulagu
maṭṭu mīṟiyunna tana manase guṟi
(||pani||)
pābagarmamunagu balubuṇyamunagunu
dībaṁcha rĕṁṭigi nŏkka dehame guṟi
vobi kŏṁḍĕmu vinam̐ga nŏgi dharmamu vinam̐ga
yebunam̐ dama vīnulu yiviye guṟi
(||pani||)
pūvula vāsanalagu pŏṁchi durgaṁdhamulagu
sevamīṟa nŏkkaḍa nāsigame guṟi
śhrīveṁkaḍeśhu seviṁcha jīvulanu darśhiṁcha
kaivasamaiyunnadama kannule guṟi